Zafer Gözet
norsk politikar
Zafer Gözet (fødd 21. september 1965) var mellom 2001 og 2010 leiar for Norges Kommunistiske Parti. Han er fødd og voks opp i Tyrkia nær byen Konya, og flytta til Noreg saman med familien sin i 1980.
| Zafer Gözet | |
| Statsborgarskap | Noreg |
| Fødd | 21. september 1965 (58 år) Provinsen Konya |
| Yrke | politikar |
| Politisk parti | Norges Kommunistiske Parti |
Etter lang kontakt med NKP gjennom heile åttitalet valde han å melda seg inn ved byrjinga av nittitalet. Frå 2000 var han leiar av Buskerud og Vestfold NKP, og i 2001 blei han vald til leiar av NKP.
Frå 1997 til 2002 var Gözet òg medlem av Kontaktutvalet mellom innvandrarar og styresmakter. Han er styremedlem i Buskerud SL (Skolenes landsforbund), leiar av Drammen og omegn SL, og hovudtillitsvald i Drammen kommune.