Île des Pingouins
Île des Pingouins (Pingvinøya) er ei aude øy i dei subantarktiske Crozetøyane sør i Indiahavet. Med eit areal på berre 3 km² er ho ei av dei minste øyane i gruppa. Administrativt høyrer øya til Dei franske sørterritoria. Ho er ein viktig hekkestad for sjøfuglar.
| Île des Pingouins | |||
| øy | |||
 Teikning av øya frå 1874 av dr. Ladislaus Weinek.
| |||
| Land |  Frankrike
| ||
|---|---|---|---|
| Øygruppe | Crozetøyane | ||
| Del av | Crozetøyane | ||
| Stad | Det sørlege Indiahavet | ||
| - koordinatar | 46°25′S 50°24′E / 46.417°S 50.400°E | ||
| Høgaste punkt | Mont des Manchots | ||
| - høgd | 340 moh. | ||
| Lengd | 4 km | ||
| Areal | 3 km² | ||
| Folketal | Ingen | ||
 Île des Pingouins 46°25′01″S 50°24′10″E / 46.416944444444°S 50.402777777778°E | |||
 Kart over øya
| |||
| Wikimedia Commons: Île des Pingouins | |||
Skildring endre
Île des Pingouins ligg vest i øygruppa der ho er den sørlegaste øya, kring 30 km søraust for Île aux Cochons og 95 km vest-sørvest for Île de la Possession. Ho er lita og mykje erodert av sjøen, med bratte sider. Ho er 4 km lang og 1 km brei. Dei omliggande kystklippene er frå 50 m til 300 m høge og er i røynda umogeleg å nå frå sjøen og sjeldan vitja. Ho har ingen innførte dyreartar og har eit heller urørt plante- og dyreliv samanlikna med dei andre øyane i øygruppa.[1]
Viktig fugleområde endre
Minst 29 fugleartar hekkar på øya, som av BirdLife International har fått status som viktig fugleområde (IBA). Ho har særs høg tettleik av sjøfuglar, inkludert ein million par gulltoppingvinar, 300 par svartbrynalbatrossar, fire par sølvhovudalbatrossar (som er den einaste hekkstaden deira i Indiahavet) og 30 par gråalbatrossar, samt fleire tusen par med marionkvalfugl og kvithakepetrell. Andre fuglar som hekkar i forholdsvis store tal er mellom andre vandrealbatross, sotalbatross, gråhovudalbatross og indisk gulnebbalbatross, nordkjempepetrell, blåpetrell og kergulenpetrell og smalnebbdukkpetrell. I mindre grad finn ein òg kerguelenterne og blåaugd skrav.[1]
Sjå òg endre
Kjelder endre
- Denne artikkelen bygger på «Île des Pingouins» frå Wikipedia på engelsk, den 6. november 2012.
- Wikipedia på engelsk oppgav desse kjeldene:
- ↑ 1,0 1,1 BirdLife International. (2012). Important Bird Areas factsheet: Île des Pingouins. Downloaded from http://www.birdlife.org on 17. oktober 2012.