Ölgerðin Egill Skallagrímsson

64°7′24.856″N 21°48′6.0552″W

Ölgerðin Egill Skallagrímsson
Bransje	Bryggeri
Skipa	17. april 1913
Hovudkontor	Reykjavík på Island
Nettstad	http://www.olgerdin.is/

Ölgerðin Egill Skallagrímsson er eit islandsk bryggeri i Reykjavík skipa i 1913. Selskapet starta opp som eit ølbryggeri, men har med åra starta produksjon av andre drikkevarer i tillegg. Selskapet driv òg import og distribusjon av utanlandske næringsmiddel til Island. Ölgerðin Egill Skallagrímsson er eit av dei største og eldste selskapa på Island.

Selskapet produserer, importerer og distribuerer eit stort utval av lokale og utanlandske drikkevarer på Island, mellom dei brennivín, Pepsi, 7up, Grape-fruit soda, Tuborg, Maltextract (Egils Malt), Egils Appelsín (appelsinbrus) og Egils Pilsner.

Namn

Bryggeriet er oppkalla etter den islandske vikinghøvdingen og skalden Egil Skallagrimson frå 900-talet, kjent gjennom Egilssoga.

Historie

Bryggeriet vart etablert i Reykjavík den 17. april 1913 av Tómas Tómasson.

Ölgerðin Egill Skallagrímsson vart i 2002 overtatt av selskapet Danól, som dreiv import av næringsmiddel. I 2008 vart selskapa slått saman under Ölgerðins namn og begge verksemdene er vidareført i det samanslåtte selskapet.

Øl

Ölgerðin Egill Skallagrímsson har produsert ei rekke ølmerke, typisk under namnet Egils. Det produserte òg Litli-Jón. Produksjonen av Litli-Jón opphøyrde i 2008.

Av produkt i 2011 kan ein nemne:

• Egils Gull (5%)
• Egils Sterkur (6,7%)
• Egils Pilsner
• Egils Premium
• Egils Polar Beer

Bryggeriet har tradisjon for å brygge eigne jule- og påskeøl.

Referansar

• Denne artikkelen bygger på «Ölgerðin Egill Skallagrímsson» frå Wikipedia på bokmål, den 12. desember 2013.

Bakgrunnsstoff

• Nettstaden til Ölgerðin Egill Skallagrímsson (islandsk) (engelsk)
• 15 ára minning um Ölgerðina Egill Skalllagrímsson - artikkel frå Tímariti Iðnaðarmanna til bryggeriets 15-års jubileum i 1928 (islandsk)