Anadyrelva

Anadyr (russisk Ана́дырь) er ei elv i Tsjukotka heilt aust i Russland som munnar ut i Anadyrbukta. Elva er 1150 km lang og har eit nedslagsfelt på 191 000 km². Elva har ei middelvassføring på 1000 m³/s.

Anadyr
elv
Nedslagsfeltet til Anadyr
Land	Russland
Nedslagsfelt	191 000 km²
Lengd	1 150 km
Middelvassføring	1 000 m³/s
Kjelde	Anadyrplatået
Munning	Anadyrbukta
Anadyrelva 65.512777777778°N 173.2725°E / 65.512777777778; 173.2725
Wikimedia Commons: Anadyr River

Elva spring ut frå Anadyrplatået og renn først sørvestover og så austover. Ho munnar ut i Anadyrbukta i Beringhavet. Dei største sideelvane hennar er Jablon, Eropol og Majn frå høgre, og Tsjinejvejem, Belaja og Tanyurer frå venstre. Ved munningen ligg Anadyrskij Liman som får vatn frå Anadyr, Kantsjalan og Velikaja.

Historie

Under ein kvalrossjakt i 1648 nådde Semjon Dezjnjov munningen til Anadyr. Frå limanen gjekk han oppover elva og grunnla Anadyrskij ostrog (fort). På 1700-talet vart Anadyr skildra av polfararen Dmitrij Laptev.

Økologi

Elva renn gjennom eit tynt folkesett område dominert av tundra og eit rikt planteliv. Mykje av regionen har eit vakkert landskap med fleire markante fjell. Bakken er dekt av snø ni månader av året og elvane er dekte av is like lenge.

Reinsdyr, som dei lokale innbyggjarane livnærer seg av, fanst ein gong i store tal, men reinsdyrpopulasjonen har i dag vorte dramatisk mindre etter at reinsdyrfarmane vart privatisert og omorganisert i 1992.

Det finst ti artar laksefisk i Anadyr. Kvart år, den siste søndagen i april, er det ein isfiskekonkurranse på det isdekte estuaret til Anadyr. Festivalen vert lokalt kalla Korfest.

Området er stoppestad for mange trekkfuglar om sommaren, inkludert ringgås, brunnakke og stjertand.

Bakgrunnsstoff

• Turistinformasjon Arkivert 2010-09-01 ved Wayback Machine.
• Villakssenter Arkivert 2007-10-18 ved Wayback Machine.

Kjelder

• Denne artikkelen bygger på «Anadyr River» frå Wikipedia på engelsk, den 3. november 2008.
  • Wikipedia på engelsk oppgav desse kjeldene: