Andøybrua

Andøybrua er ei spennbetongbru (bogebru) som ligg i Andøy kommune og går over Risøysundet mellom Risøyhamn på Andøya og Hinnøya. Ho er del av riksveg 82. Brua er bygd etter fritt frambygg-metoden og har ei total lengd på 750 meter, seglingshøgd på 30 meter og eit hovudspenn på 110 meter. Brua har 21 spenn.

Andøybrua

Type	vegbru
Stad	Hinnøya–Andøya ved Risøyhamn
Opna	5. september 1974
Strekning	Fylkesveg 82
Lengd	750 meter
Fri høgd	30 m
Største spenn	110 m
Kryssar	Risøysundet
Materiale	spennarmert betong
Andøybrua 68.96451°N 15.63865°E / 68.96451; 15.63865

Andøybrua vart opna 5. september 1974, og er ei av Vesterålsbruene. Desse vart oppførte på 1970-talet som del av eit interkommunalt samarbeid mellom kommunar i Vesterålen og Statens vegvesen, og gav kommunane ferjefritt vegsamband. Vesterålsbruene vart til største delen finansiert gjennom bompengar.

Andøybrua og dei andre Vesterålsbruene vart prosjektert av firmaet Aas-Jakobsen AS i Oslo.

Dei andre Vesterålsbruene er Sortlandsbrua, Hadselbrua og den noko mindre Kvalsaukan bru. Saman med Tjeldsundbrua ved Harstad, knyter desse Vesterålen til fastlandet.

Galleri

• 
  Andøybrua med Hinnøya i bakgrunnen
• 
  Risøyhamn og Andøybrua vinterstid

Kjelder

• Denne artikkelen byggjer på «Andøybrua» henta frå Wikipedia på bokmål 6. mars 2008. Bokmålsartikkelen gjev denne kjelda:
  • The World's Longest Tunnel Page (bru-delen)