Andreas Goldberger

Andreas Goldberger (fødd 29. november 1972) er ein tidlegare austerriksk skihoppar. Han var ein av dei mestvinnande skihopparane på 1990-talet. Han var òg ein av dei mest populære hopparane, ikkje minst på grunn av den sympatiske veremåten hans og den positive haldninga.

Andreas Goldberger
Fødd	29. november 1972 (47 år) Ried im Innkreis
Yrke	skihoppar
Andreas Goldberger på Commons

Merittar

• Verdscup:
  • Samanlagtvinnar 1992/93, 1994/95, 1995/96
  • 20 sigrar i enkeltrenn
• Skiflyging
  • Gull under VM i skiflyging 1996 i Kulm
  • Verdscupsigrar i skiflyging i 1995 og 1996
  • I 2000 sette Goldberger nye verdsrekordar i Planica med hopp på 220 og 225 meter.
• OL 1994:
  • To bronsemedaljar
• VM
  • Eitt gull, to sølv, fire bronse
• Hoppveka
  • To samanlagtseire: 1992/93 og 1994/95

Narkotikaskandalen

I 1997 innrømma Goldberger misbruk av kokain. Han blei utestengt av det austerrikske skiforbundet i seks månader. Goldberger vurderte å bytte forbund og konkurrere for Serbia, men han ombestemte seg, og blei verande i det austerrikske forbundet.

29. mai 2005 la Goldberger opp etter ei lang og innhaldsrik karriere, men er endå prøvehoppar i verdscuprenn i områda rundt Tyskland og Austerrike. Så seint som i 2008 var han godt med på notane som prøvehoppar, og var føre godt over halvparten av hopparane.

Bakgrunnsstoff

• Offisiell nettsida

• Denne artikkelen bygger på «Andreas Goldberger» frå Wikipedia på bokmål, den 13. desember 2008.