Angoulême

Angoulême er ein by og kommune sørvest i Frankrike. Han er préfecture (hovudstad) i departementet Charente.

Angoulême

Styresmakter
Land Region Departement	Frankrike Nouvelle-Aquitaine Charente
Geografi
Flatevidd	21,85 km²
Flatevidd - By	21,85 km²
Innbyggjarar - By (1999) - folketettleik	43 171 1 976/km²
Koordinatar	45°39′00″N 00°09′37″E / 45.65000°N 0.16028°E / 45.65000; 0.16028
Høgd over havet	100 m
Tidssone	CET (UTC+1)
Diverse anna
Heimeside: www.angouleme.fr

Geograpfi endre

Angoulême ligg 134 km nordaust for Bordeaux langs jernbanen mellom Bordeaux og Poitier.

Sjølve byen ligg på ei høgd, med elva Charente nord for seg, og elva Anguienne i sør og vest. Dei viktigare forstadane ligg mot aust.

Cathédrale Saint-Pierre d'Angoulême

Angoulême (Iculisma eller Ecolisna, seinare Angoulesme) vart erobra av Clovis frå vestgotarane i 507, og plyndra av normannarane på 800-talet.

I 1360 vart han gjeve til engelskmenna etter Freden i Brétigny, men dei vart drive bort i 1373 av troppane til Karl V, som gav byen mange privilegium. Byen leid stort under hugenottkrigen, særleg i 1568 då han vart erobra av protestantar under Gaspard de Coligny.

Grevskapet Angoulême går tilbake til 800-talet, og den viktigaste av dei tidlege grevane var William Taillefer. Etterkomarane hans hadde denne tittelen til slutten av 1100-talet. Tittelen vart teke frå dei av Rikard Løvehjarta, og gjekk vidare til Kong Johan av England då han gifta seg med Isabel, dottera til grev Adhémar. I 1220 gifta ho seg med Hugo X, som gav det til Lusignan-familien, grevar av Marche. Då Hugo XIII døydde i 1302 gjekk eigedomane hans til krona. I 1394 gjekk grevskapet over til huset Orleans. Eit medlem av huset, Frans I vart konge av Frankrike i 1515, og heva graden til hertugdøme for mora Louise av Savoy. Hertugdømet, som høyrte til krona, vart så halde av Karl av Valois, son av Karl IX. Den siste hertugen var Louis-Antoine, den eldste sonen til Karl X, som døydde i 1844.