Ants Lepson

Ants Lepson (fødd 14. mai 1934) er ein norsk-estisk kunstmålar og tidlegare sjømann, busett i Arendal.

Ants Lepson
Statsborgarskap	Noreg, Estland
Fødd	14. mai 1934 Vaisi
Død	16. april 2023 (88 år) Arendal
Yrke	kunstmålar, sjøfolk
Sjanger	marinemåleri
Ants Lepson på Commons

Bakgrunn

Lepson er fødd i Estland i 1934. Familien flykta til Sverige og deretter til USA etter den andre verdskrigen. Han mønstra på eit norsk skip, og var statslaus i sju år, før han fekk norsk statsborgarskap. Lepson er utdanna skipskaptein, og har ført fleire norske seglskip, mellom andre fullriggaren «Sørlandet». Han har også vore kaptein på «Skibladner» på Mjøsa.

Virke

Lepson er kjend som målar av maritime motiv. Han er busett i uthamna Sandvika på Hisøy i Arendal, og har eit atelier i Arendal sentrum. I meir enn 20 år har Lepson vore målar, men han har inga formell utdanning som kunstnar, og kallar seg sjølv for «marinemålar». Motiva hans er henta frå det maritime miljøet, og det er særleg seglskuter som er motiv. Som gammal sjømann er Lepson oppteken av at alle detaljane på bileta hans skal vere rette. Spesielt bilete av slaveskipet «Fredensborg» har gjort han kjend. Lepson sine bilete er i dag svært ettertrakta.