Opna hovudmenyen

Arnold Holmboe

norsk politikar

Arnold Holmboe (11. mars 187327. juli 1956) var ein norsk jurist, næringsdrivar og Venstre-politikar, fødd i Beitstad. Han var i 1920-åra statsråd i Blehr II-regjeringa og den fyrste Mowinckel-regjeringa.

Arnold Holmboe
ArnoldHolmboeCa1930.jpg
Fødd11. mars 1873
Beitstad
Død27. juli 1956
Oslo
Statsborgar avNoreg
PartiVenstre
Yrkepolitikar, jurist

Holmboe tok juridisk embetseksamen 1900. Han hadde så advokatpraksis i Steigen, Harstad og Tromsø, før han var direktør i Tromsø Sparebank frå 1913 til 1928. Deretter var han til 1943 direktør ved Vinmonopolet.

Frå 1907 var Holmboe medlem i Tromsø bystyre og ordførar i fleire periodar. Dei to treårsbolkane 1922-24 og 1928-30 var Venstre-mannen Holmboe stortingsrepresentant frå byane i Nord-Noreg; Bodø, Narvik, Tromsø, Hammerfest, Vardø og Vadsø. Han var justisminister 1922-23 i ei regjering leidd av Otto Blehr og finansminister 1924-26 då Johan Ludwig Mowinckel hadde sin fyrste statsministerperiode.

Holmboe gav i 1943 ut ei bok med sine omsetjingar av den greske poeten Anakreon, med tittelen Anakreons sange.

Han var medlem i Undersøkelseskommisjonen av 1945 og komiteen som granska verksemda til Noregs Bank i okkupasjonsåra.

KjelderEndra