Arresø

Arresø er den største innsjøen i Danmark, og ligg på Sjælland like nord for Ølsted og aust for Frederiksværk. Innsjøen har eit areal på 39,87 km² og via Arresø kanal renn vatnet ut i Roskilde fjord. Kanalen vart påbyrja i 1717 etter ordre frå dei kongelege, og arbeidet vart utført av danske soldatar og svenske krigsfangar.

Arresø
innsjø
Arresø ved Frederiksværk
Land	Danmark
Tilsig	Pøleå
Utløp	Arresø Kanal
Nedslagsfelt	216,1 km²
Høgd over havet	4 moh.
Areal	39,87 km²
Middeldjupn	3,1 m
Største djupn	5,6 m
Koordinatar	55°58′N 12°07′E
Arresø 55.974722222222°N 12.104166666667°E / 55.974722222222; 12.104166666667
Wikimedia Commons: Arresø

Det er fleire småelvar som munnar ut i Arresø, og Pøleå er den viktigaste. På vestsida av innsjøen er det fleire åsryggar. Mellom desse finn ein Maglehøj i Frederiksværk og Arrenakke, som gjev eit flott utsyn over innsjeøn. Aust for Fre­deriksværk ligg neset Arrenæs.

Tidlegare var innsjøen ein fjord som var forbunde med Kattegat, men landområdet i nordvest heva seg etter den siste istida, slik at vatnet vart igjen i innsjøen.

Innsjøen har eit rikt fugle- og planteliv. Fleire dyrerereservat er oppretta rundt innsjøen.

Kjelder

• Arresø
• Detaljerte opplysningar om Arresø på Naturstyrelsens internettsider. Arkivert 2013-12-27 ved Wayback Machine.

• Denne artikkelen bygger på «Arresø» frå Wikipedia på engelsk, den 27. mars 2007.