Bambuspirol
Bambuspirol (Oriolus isabellae) er ein mellomstor sporvefugl og ein medlem av pirolfamilien som er endemisk for nordlegaste delen av øya Luzon, Filippinane.
| Bambuspirol | |
| Utbreiing og status | |
Status i verda:  Kritisk truga Utbreiinga av verdas bambuspirolar er i små, defragmenterte område avgrensa til øya Luzon | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Pirolfamilien Oriolidae |
| Slekt: | Pirolar Oriolus |
| Art: | Bambuspirol O. isabellae |
| Vitskapleg namn | |
| Oriolus isabellae | |
Skildring
endreDenne pirolen har ei lys gul til olivengul fjørdrakt, mest gyllen på undersida. Nebbet er i ei bleik blåtone. Kjønna er like. Kroppslengda er ca. 21–23 centimeter.
Bambuspirolar lever i låglands bambusskogar opp til 440 moh. Dei beitar både frukt og insekt og kan ofte slutte seg til fleirartsflokkar.
Bestanden er særs liten, i perioden 1961 til 1994 var arten trudd å vere utrydda, men blei funnen att i 1993.[1] Storleiken på populasjonen er estimert til å ligge mellom 75 og 374 individ inklusive ungfuglar, og er trudd å vere minkande grunna tap av det naturlege leveområdet på øya. Derfor vurderer IUCN status for arten som kritisk truga (CR).[2]
Kjelder
endre- Walther, B., P. Jones, og C.J. Sharpe (2020). Isabela Oriole (Oriolus isabellae), version 1.0. In Birds of the World (J. del Hoyo, A. Elliott, J. Sargatal, D. A. Christie, og E. de Juana, red). Cornell Lab of Ornithology, Ithaca, NY, USA. https://doi.org/10.2173/bow.isaori1.01
- Referansar
- ↑ Gamauf, Anita; Tebbich, Sabine (februar 1996). «Re-discovery of the Isabela Oriole, Oriolus isabellae» (PDF). Forktail 11: 170–171. ISSN 0950-1746.
- ↑ BirdLife International (2021) Species factsheet: Oriolus isabellae. Henta frå http://www.birdlife.org den 8. mars 2021
