Bardu kyrkje
Bardu kyrkje ei åttekanta tømmerkyrkje frå 1829 på Setermoen i Bardu kommune i Troms og Finnmark, og er soknet si hovudkyrkje og garnisonskyrkje. Kyrkja har om lag 220 sitjeplassar, inkludert galleriet.
| Bardu kyrkje | |||
| kyrkje | |||
.jpg) | |||
| Land |  Noreg
| ||
|---|---|---|---|
| Fylke | Troms og Finnmark | ||
| Kommune | Bardu | ||
| Kyrkjesamfunn | Den norske kyrkja | ||
| Bispedøme | Nord-Hålogaland | ||
| Prosti | Indre Troms | ||
| Sokn | Bardu | ||
| Fellesråd | Bardu | ||
| Type | Åttekantkyrkje | ||
| Arkitekt | Ole Olsen Lundberg | ||
| Teknikk | Tømra | ||
| Material | Tre | ||
| Innvigd | 1829 | ||
| - Endringar | Restaurert i 1840 | ||
| Sitjeplassar | 220 | ||
 Bardu kyrkje | |||
| Wikimedia Commons: Bardu kirke | |||
Kyrkja er bygd som ein kopi av Tynset kyrkje men noko mindre.[1] Omkring 1800 utvandra ein god del frå Nord-Østerdalen til Nord-Norge og særleg til nybyggjarområda i Bardu.[2] Størstedelen av folkesetnaden i Bardu på den tida hadde bakgrunn frå Tynset og Alvdal, og dei heldt kontakt sørover.[3] Dei fleste nybyggjarane som kom til Bardu på 1800-tallet var frå Tynset. Den nyinnflytta byggmester Ole O. Lundberg frå Tynset reiste til si tidlegare heimbygd og teikna av Tynset kyrkje.[4] Bardu kyrkje har preikestolsalter som er eit trekk frå barokk, også dette etter modell av Tynset kyrkje. Interiøret er måla i lyse fargar og har rokokkopreg. Skipet har galleri rundt veggen.[5]
Kyrkja er i dagleg bruk, og i månadane juni-september er ho open på dagtid.
.jpg)
Kjelder endre
- ↑ Sørmoen, Oddbjørn: Kirker i Norge 2, Oslo 2001
- ↑ Braseth, Leif (1991). Utvandringen til Bardu. Kulturstyret i Alvdal.
- ↑ Eggen, Øystein (1950). Bardu bygdebok. Bardu bygdeboknemnd.
- ↑ Munch, Jens Storm (1963). «Åttekantete kirker i Nord-Norge». Ottar. Gløtt fra Tromsø museum 14. s. 17.
- ↑ Arkitekturguide for Nord-Norge og Svalbard
Bakgrunnsstoff endre
- «Bardu kyrkje». Kirkesøk. Den norske kyrkja.
- Om kyrkja på nettstaden til Bardu kommune
- Bardu kyrkje i kulturminnesok.no, nettstaden til Riksantikvaren
- Arkivverket: Prestegjeld og sogn i Troms