Berge Østenstad

Berge Østenstad (fødd Berge Christiansen, 15. september 1964) er ein norsk sjakkspelar.

Berge Østenstad
Fødenamn	Berge Christiansen
Statsborgarskap	Noreg
Fødd	15. september 1964 (57 år) Oslo
Idrett	sjakk
Tok del i	Sjakk-OL 1984, Sjakk-OL 1990, Sjakk-OL 2004

Han vart stormeister i sjakk i 2003, som den sjette norske sjakkspelaren. Østenstad har vunne åtte noregsmeisterskap i sjakk, fleire enn nokon annan: I åra 1984, 1990, 1994, 1997, 1999, 2003, 2004 og 2011. Han har dermed ei rekke med kongepokalar. Simen Agdestein har sju noregesmeisterskap. Berge Østenstad oppnådde tittelen internasjonal meister i 1987.

Berge Østenstad kvalifiserte seg for stormeister-tittelen ved gode turneringsresultat på Gausdal og i Biel i 1990. Kravet om å oppnå 2500 i FIDE-rating klarte han i 1991. Det tok deretter ein del år før han klarte det naudsynte tredje resultatet, som kom i ei turnering i Göteborg i 2003.

Berge Østenstad har deltatt 3 gongar på det norske landslaget i sjakk-OL (lag-VM i sjakk), i åra 1984, 1990 og 2004. Han har eit samla resultat på 10 sigrar, 9 remisar og 10 tap, 14,5 poeng på 29 parti, 50,0 %.

Berge Østenstad blei junior-noregsmeister i sjakk i 1983. Berge Østenstad spelar for Asker sjakklubb.

Kjelder

• Victor Hansen «Vår neste stormester», Norsk sjakkblad nr. 1 2003, side 4
• Øystein Brekke: Norges sjakkforbund 75 år 1914-1989, Norges Sjakkforbund 1989, ISBN 82-991916-0-2
• Øystein Brekke: Norske sjakktrekk. Norges Sjakkforbund 100 år 1914-2014, Norges Sjakkforbund 2014, ISBN 978-82-991916-2-3
• Olimpbase, database over sjakk-olympiadar mv

Bakgrunnsstoff

• Berge Østenstad sine beste parti på www.chessgames.com
• Berge Østenstad sine sjakkparti i Noreg hos NorBase
• Omtale av Berge Østenstad på stormeister Rune Djurhuus sine sjakksider
• Berge Østenstad sin rating hos verdssjakkforbundet FIDE
• Eit intervju med Berge Østenstad 10.2.2003