Brampton Old Church
Brampton Old Church er ei kyrkje som ligg rundt 1 mile (2 km) vest for byen Brampton i Cumbria i England. Ho var opphavleg soknekyrkje for Bramptonm men er no avvigsla. Kyrkja er med på National Heritage List for England som ein verna bygning med Grade II*.[1]
| Brampton Old Church | |||
 | |||
| Stil | Normannisk arkitektur | ||
|---|---|---|---|
 Brampton Old Church 54°56′47″N 2°45′59″W / 54.9463°N 2.7663°W | |||
Historie endre
Kyrkja blei bygd på ein stad der det låg ein romersk festning ved romarvegen Stanegate,[2] om lag 1,5 mile (2 km) sør for Hadrianmuren.[3] Kyrkjebygningen er frå 1100-talet, med seinare endringar og tilbygg. Han bestod tidlegare av eit tårn, skip og kor. Tårnet og skipet vart rive mellom 1787 og 1789, sjølv om det vart lagt til eit våpenhus i 1861. Det er mogleg at det blei lagt nytt tak i 1891.[1] Kyrkja blei erstatta som soknekyrkje i 1878 av St Martin's Church i Brampton.[4] Ho blei erklært overflødig i 1978, og interiøret blei teke ut.[1]
Arkitektur endre
Kyrkja er bygd av raud sandstein, med noko av steinen henta frå Hadrianmuren. Ho har skifertak. Ho består av det tidlegare koret og våpenhuset. På nordsida er det eit skjult brukt av den tidlegare klokkaren. Våpenhuset har jernportar og eikedører, og gavlen er pynta med ein kross. Koret har eit normannisk vindauge; dei andre vindauga er frå 1891. I koret er eit sakrarium og ei nisje (armarium) som kan daterast til 1100-talet. På austgavlen er det ein kross på toppen og på vestgavlen er det eit klokketårn.
Kjelder endre
- ↑ 1,0 1,1 1,2 Historic England, «Church of St Martin, Brampton (1087645)», National Heritage List for England, henta 4. juli 2013
- ↑ Breeze, David J. (2006). J. Collingwood Bruce's Handbook to the Roman Wall (14. utg.). Newcastle: Society of Antiquaries of Newcastle upon Tyne. s. 1–512, p.455–56. ISBN 0901082651.
- ↑ Pevsner, Nikolaus (2002) [1967], Cumberland and Westmorland, The Buildings of England, New Haven and London: Yale University Press, s. 76, ISBN 0-300-09590-2
- ↑ St Martin's Pre-Raphaelite Church, Brampton, St Martin's, Brampton, henta 20. april 2010
- Denne artikkelen bygger på «Brampton Old Church» frå Wikipedia på engelsk, den 17. juni 2022.