Britannia Hotel
Britannia Hotel er eit hotell i Dronningens gate 5 i Trondheim. Hotellet opna i 1870 og blir sett på som eit av dei beste hotella i Trondheim. Det opna igjen 1. april 2019 etter å ha vore stengt for ei omfattande oppussing frå sommaren 2016.
| Britannia Hotel | |||
 | |||
| Arkitekt | Karl Norum | ||
|---|---|---|---|
 Britannia Hotel 63°25′55″N 10°23′56″E / 63.432°N 10.3988°E | |||
Bakgrunn
endre
Hotellet opna i 1870. Dagens hovudbygning blei teikna av arkitekt Karl Norum og stod ferdig i 1897. Britannia er eit 5-stjerners hotell og har 257 rom og suitar.[1] Hotellet rommar også den kjende restauranten Palmehaven, ein speglsal, salongar, kurs- og konferansefasilitetar i tillegg til fire restaurantar og to barar.
Blant kjende personer som har budd på hotellet, er keisar Vilhelm II av Tyskland, dronning Elizabeth, kong Chulalongkorn av Thailand, kong Oscar II, kong Haakon VII, kong Olav V, kong Harald V, dronning Sonja, Fridtjof Nansen, Jay-Z og Beyoncé[2], Justin Bieber og kona Hailey Bieber.[3]
Britannia samarbeidde frå 2013 med Thon Hotels; tidlegare var hotellet i ein periode tilknytt Rica Hotels. Britannia Hotel blei kjøpt av Odd Reitan i 2015.[4]
Oppussing
endreI juli 2016 blei hotellet stengt for ei større oppussing. Delar av bygget var i svært dårleg stand. Blant anna var delar av berebjelkane så svekka at dei kunne falla ned innan 10–15 år.[5] Renovasjonen av hotellet tok nær tre år, og anslått kostnad er 1,2 milliardar kroner.[2] Opning etter oppussing var 1. april 2019. Hotellet er medlem av kjeda The Leading Hotels of the World. Kjeda består av over 400 hotell i 80 land. Berre Hotel Continental er ellers medlem i Noreg.[1]
Palmehaven
endrePalmehaven er ein av dei mest kjende restaurantane i Trondheim og stod ferdig i mai 1918.[6] Han har ein kapasitet på 450 personar i bankett. Han er bygd med ei kvelving som ein stjernehimmel, og inneheld ein maurisk hage. Ved renoveringa er Palmehaven i hovudsak bevart som han var, men det er ikkje lenger glastak. Derimot er det ein himling med «liksomstjerner».[2]
Britannia Spa
endreUnder den store oppussinga av Britannia Hotel blei det også bygd eit nytt spa på hotellet som har fått namnet Britannia Spa. Spa-avdelinga inneheld eit innandørs badebasseng, boblebad, fleire badstover og behandlingsrom. Sidan opninga i 2019 har Britannia Spa fått veldig gode tilbakemeldingar og dei har blitt kåra til det beste spahotellet i Noreg av fleire nettaviser og reisemagasin.[7][8]
Kjelder
endre- ↑ 1,0 1,1 Frank Cadamarteri (24. juni 2018). «Vil sette Trondheim på kartet gjennom eksklusiv kjede». Adresseavisen. Arkivert frå originalen 8. november 2018. Henta 8. november 2018.
- ↑ 2,0 2,1 2,2 Øystein Lie (25. mars 2019). «Odd Reitan har rehabilitert trønderhotell for 1,2 milliarder». Dagens Næringsliv, D2. Henta 25. mars 2019.
- ↑ Meldal, Ida Roald (6. august 2022). «Slik bor Justin Bieber i Trondheim». Nettavisen (på norsk). Henta 31. august 2023.
- ↑ Jøte Toftaker; Nareas Sae-Kow (31. mars 2019). «Har bladd opp over én milliard kroner for å pusse opp ikonisk luksushotell». NRK. Henta 31. mars 2019.
- ↑ Marit Langseth; Stein Lorentzen; Jørgen Leangen (2. desember 2016). «– Bærebjelkene kunne ramlet ned innen få år». NRK. Henta 31. mars 2019. «– Enkelte av stokkene er såpass dårlige at de antageligvis ville ramlet ned innen 10–15 år selv, sier prosjektleder for bygginga, Arne Opsal.»
- ↑ Jøte Toftaker; Nares Sae-Khow (31. mars 2019). «Har bladd opp over én milliard for å pusse opp ikonisk luksushotell». NRK. Henta 31. mars 2019. «I 1918 sto den eksotiske Palmehaven ferdig, som har vært et av kjennemerkene til Britannia.»
- ↑ «Vi har besøkt Nordens beste hotell». Nettavisen.no.
- ↑ «Dette er 10 av de beste spahotellene i Norge». dinstorbyferie.no.
- Denne artikkelen bygger på «Britannia Hotel» frå Wikipedia på bokmål, den 28. februar 2025.
