CGS-systemet
absolutt målesystem som bruker centimeter, gram og sekund som grunneiningar
(Omdirigert frå CGS-system)
CGS-systemet (forkorting for centimeter-gram-sekund-systemet), Gauss-systemet eller absolutt målsystem er eit målesystem som går ut frå grunneiningane centimeter, gram og sekund.
Systemet vart føreslått i 1832 av den tyske matematikaren Carl Friedrich Gauss og vart utvida med elektromagnetiske einingar av James Clerk Maxwell og William Thomson. CGS-systemet vart erstatta av MKSA-systemet og seinare SI-systemet.
CGS-systemet vert i dag brukt i noko amerikansk teknisk litteratur, særleg innan elektrodynamikk og astrofysikk. Mange astronomar argumenterer for at notasjonen vert enklare med dette systemet.
