Camembert Electrique
| Camembert Electrique Studioalbum av Gong | ||
| Språk | engelsk | |
| Utgjeve | Oktober 1971 | |
| Innspelt | Juni til september 1971 | |
| Studio | Château d'Hérouville i Val-d'Oise i Frankrike | |
| Sjanger | ||
| Lengd | 39:36 | |
| Selskap | BYG Actuel | |
| Produsent | Pierre Lattès | |
| Gong-kronologi | ||
|---|---|---|
| Magick Brother (1970) |
Camembert Electrique | Continental Circus (1972)
|
Camembert Electrique er det andre studioalbumet av den progressive rockegruppa Gong, spelt inn og gjeve ut i 1971 på det franske selskapet BYG Actuel. Albumet vart spelt inn i Château d'Hérouville nær Paris i Frankrike, produsert av Pierre Lattès med Gilles Salle som lydteknikar. Jean Karakos (omtalt i teksten til Daevid Allen i omslaget som «Byg Jean Kastro Kornflakes») var leiande produsent.
| Meldingar | |
|---|---|
| Karakter | |
| Kjelde | Karakter |
| Allmusic |   [1] |
Det første og siste sporet på kvar side er korte lyd-collagar.
Mottaking endre
David Ross Smith i Allmusic gav albumet 4,5 av fem stjerner og skreiv om albumet og bandet at «Gong var eit unikt progrockband som gjekk i alle retninga på ein gong, medan dei fleste andre prorockbanda helt seg til ei eller to retningar. Camembert Electrique er eit vitne på dette. Den 'elektriske osterocken' deira er ei blanding av psykedelisk rock, verdsromatmosfære og rombaserte tekstar, med dosar av jazz presentert med ei popkjensle, men likevel alltid intens. Frå det første sporet på Camembert, vert du transportert til planeten Gong via stemma til ein 'radiognom' som av og til kjem inn for å minne deg på at du ikkje er i Kansas lenger. Daevid Allen leiar bandet gjennom fleire komposisjonar som musikalsk kan minne om, og kanskje er inspirert av, tidleg King Crimson. Trommeslagaren Pip Pyle spelte berre med Gong nokre få gonger, men han er ein markant person her. Det same er saksofonisten Didier Malherbe. Camembert Electrique er ikkje utdatert etter over 40 år og står 'sterkt og dampande' over det meste andre i Gong-katalogen.»
Innhald endre
| Nr. | Tittel | Låtskrivar(ar) | Lengd |
|---|---|---|---|
| 1. | «Radio Gnome» | Daevid Allen | 0:26 |
| 2. | «You Can't Kill Me» | Allen | 6:23 |
| 3. | «I've Bin Stone Before / Mister Long Shanks / O Mother» | Allen | 4:53 |
| 4. | «I Am Your Fantasy» | Christian Tritsch, Gilli Smyth | 3:41 |
| 5. | «Dynamite / I Am Your Animal» | Tritsch, Smyth | 4:32 |
| 6. | «Wet Cheese Delirium» | Allen | 0:29 |
| Nr. | Tittel | Låtskrivar(ar) | Lengd |
|---|---|---|---|
| 7. | «Squeezing Sponges Over Policemen's Heads» | Allen | 0:13 |
| 8. | «Fohat Digs Holes in Space» | Allen, Smyth | 6:24 |
| 9. | «And You Tried So Hard» | Tritsch, Allen | 4:39 |
| 10. | «Tropical Fish / Selene» | Allen | 7:36 |
| 11. | «Gnome the Second» | Allen | 0:26 |
| Total lengd: | 39:36 | ||
Spor 1 vart kalla «Radio Gnome Prediction» på Virgin-utgåvene og «Radio Gnome» på seinare CD-utgåver for å unngå forveksling med ein seinare song som heiter «Radio Gnome Invisible», gjeve ut i 1973 på albumet Flying Teapot.
Medverkande endre
- Daevid Allen («Bert Camembert») - gitar (alle utanom 9), vokal, bass (9)
- Gilli Smyth («Shakti Yoni») - kviskring frå verdsrommet
- Didier Malherbe («Bloomdido Bad De Grasse») - saksofon, fløyte
- Christian Tritsch («Submarine Captain») - bass (alle utanom 9), gitar (9)
- Pip Pyle - trommer
- med
- Eddy Louiss - Hammondorgel og piano på 3
- Konstantin Simonovitch - fasa piano på 5
Oppført er òg «Venux De Luxe» (Francis Linon), lydteknikaren til bandet, som «switch doctor and mix master». Sonen til Robert Wyatt, Sam, er òg avbilda med bandet.
Kjelder endre
- Denne artikkelen bygger på «Camembert Electrique» frå Wikipedia på engelsk, den 16. november 2019.
- Wikipedia på engelsk oppgav desse kjeldene: