Carlingford Lough

Carlingford Lough (irsk Loch Cairlinn) er ein fjord (engelsk sea lough) som ligg på grensa mellom Nord-Irland i nord og Republikken Irland i sør. I botn av fjorden munnar elva Newry ut, medan Newrykanalen går til den nærliggande byen Newry (kanalen held fram til elva Bann og Lough Neagh).

Carlingford Lough
fjord
Land  Irland,  Nord-Irland
Kart
Carlingford Lough
54°04′24″N 6°11′58″W / 54.073288888889°N 6.1993805555556°W / 54.073288888889; -6.1993805555556
Wikimedia Commons: Carlingford Lough

På nordsida, i County Down, ligg kystbyane Warrenpoint og Rostrevor med Mournefjella bakanfor, og på sørsida ligg Omeath, Carlingford og Greenore, alle på Cooleyhalvøya i County Louth.

3. november 1916 kolliderte to dampskip, SS «Connemara» og SS «Retriever», her og sokk. 94 menneske mista livet.

Carlingford Lough er ein populær stad for segling og sportfiske. På nordsida ligg det gjørmete strender og marskland, som er fôringsområde for ringgås, Branta bernicla hrota. Ved munningen av fjorden ligg det fleire skjer og grusøyar, som er hekkestader for terner.

Kjelder endre

Bakgrunnsstoff endre