Christoffer Wilhelm Eckersberg
Christoffer Wilhelm Eckersberg, også C.W. Eckersberg (fødd 2. januar 1783 Neder Blåkrog i Sønderjylland, død 22. april 1853 i København),[1] var ein dansk målar og den som la grunnlaget for målarkunsten i den danske gullalderen.[2] Han fekk stor betydning for mange målarar i samtida og i tida etter. Elevane hans høyrde til dei mest framifrå kunstnarane i perioden, mellom anna Christen Købke, Martinus Rørbye, Wilhelm Bendz, Constantin Hansen og Wilhelm Marstrand.
| C.W. Eckersberg | |
.jpg) C.W. Eckersberg måla av Fritz Petzholdt i 1832 | |
| Nasjonalitet | dansk |
| Statsborgarskap | Kongeriket Danmark |
| Fødd | 2. januar 1783 Neder Blåkrog i Sønderjylland |
| Død | |
| Utdanning | Det Kongelige Danske Kunstakademi |
| Yrke | kunstmålar, universitetslærar, biletkunstnar |
| Sjanger | landskapsmåleri |
| Born | Erling Eckersberg |
| Christoffer Wilhelm Eckersberg på Commons | |
Olje på lerret
32 × 49,5 cm
Statens Museum for Kunst
Måleri tatt opp i Kulturkanonen.[3]
Olje på lerret
33,5 × 26 cm
Den Hirschsprungske Samling
Eckersberg studerte ved Det Kongelige Danske Kunstakademi frå 1803 og fekk undervisning frå mellom anna Nicolai Abildgaard. Seinare var han på studiereise ute i Europa og var elev hos Jacques-Louis David i Paris i to år. Davids strenge klassisisme kom til å bli avgjerande for Eckersbergs stil.[4]
Etter eit treårig opphald i Roma i 1813-1816 vendte han attende til København for å bli professor ved akademiet, ei stilling han hadde til sin død. Han var direktør i 1827-1829. I løpet av den lange karrieren sin måla han mange portrett, landskap og marinemåleri og ei rekkje historiske og mytologiske motiv.
Referansar
endre- ↑ Christoffer Wilhelm Eckersberg frå Weilbachs kunstnerleksikon
- ↑ Christoffer Wilhelm Eckersberg Arkivert 2008-05-24 ved Wayback Machine. frå Guide til dansk guldalder
- ↑ «Om «Udsigt gennem ... stokværk» frå Kulturkanonen». Arkivert frå originalen 8. juni 2012. Henta 8. mars 2012.
- ↑ Leif Østby: Christoffer Wilhelm Eckersberg frå Store norske leksikon