Cupfinalen i fotball 2018/Menn

Cupfinalen for menn 2018 var den siste og avgjerande kampen i Noregsmeisterskapen i fotball for menn, den 113. cupfinalen i Noreg. Kampen stod mellom Rosenborg Ballklub frå Trondheim og Strømsgodset Idrettsforening frå Drammen. Finalen vart avvikla søndag 2. desember 2018 på Ullevaal Stadion i Oslo framfor 22 182 tilskodarar. Rosenborg vann kampen 4–1 og kunne ta imot klubbens 12. kongepokal.

Kampen endre

Mustafa Abdellaoue sende SIF i føringa i det 13. minutt. Fem minutt seinare utlikna RBK-kapteinen, danske Mike Jensen. Fem minutt før pause hadde Rosenborg snudd til 2–1 ved Anders Konradsen. I den andre omgangen fann dansken Nicklas Bendtner vegen til nettmauskane to gongar, det siste målet kom langt ute i plusstida.

Laga endre

Rosenborg BK sitt vinnarlag bestod av: André Hansen, Vegar Hedenstad, Tore Reginiussen, Even Hovland, Birger Meling, Mike Jensen (kaptein), Anders Konradsen, Anders Trondsen, Pål André Helland, Nicklas Bendtner og Samuel Adegbenro. Yann-Erik de Lanlay tok over for Adegbenro i det 56. minutt, Jonathan Levi fekk spele eit langt kvarter i staden for Hedenstad og Alexander Søderlund ti minutt i staden for Helland.

Strømsgodset stilte med: Morten Sætra, Lars Vilsvik, Mounir Hamoud, Jacob Glesnes (kaptein), Jonathan Parr, Henning Hauger, Herman Stengel, Amahl Pellegrino, Tokmac Nguen, Eirik Ulland Andersen, Mustafa Abdellaoue. 15 minutt før full tid måtte Pellegrino vike plass for Lars Sætra. Martin Ovenstad og Kristoffer Tokstad fekk spele siste ti minutta, ut fór Stengel og Vilsvik.

Trond Ivar Døvle frå Fjellhamar dømde oppgjeret.

Kjelder endre