Danskøya

Danskøya er ei øy på Svalbard i Nordishavet. Ho ligg like nordvest for Spitsbergen nær Magdalenefjorden. Like nord for øya ligg Amsterdamøya. Som med mange av dei andre øyane på Svalbard er ikkje Danskøya busett. Øya har eit areal på 40,6 km².

Danskøya
Geografi
Stad	Nordishavet
Koordinatar	79°41′N 10°49′E
Øygruppe	Svalbard
Areal	40,6 km²
Administrasjon
Land	Noreg
Demografi
Folketal	0

Den første midlertidige kvalstasjonen på øya vart oppretta av engelskmenn i 1614, truleg på søraustsida av øya. Engelskmennene reiste frå øya i 1624 eller 1625, og ho vart så annektert av Nederland. I 1632 oppretta danskar ein permanent stasjon ved Kobbefjorden. Ein annan stasjon vart oppretta av nederlendarar i Virgohamna på nordsida av Danskøya i 1636. Denne vart kalla Harlingenkokeriet. Restane av denne stasjoen vart sett av Frederich Martens i 1671.

S. A. Andrée sin ballong før han letta 11. juli 1897.

Øya var utgangspunkt for S. A. Andrée sin ballongekspedisjon i 1897. Ballongen til Andrée vart fylt med hydrogen og styrta på pakkisen tre dagar etter han forlet Danskøya. Etter å ha vandra og drive rundt på isen i nesten tre månader kom dei til slutt til Kvitøya, der alle omkom.

Kjelder

• Denne artikkelen bygger på «Danskøya» frå Wikipedia på engelsk, den 16. april 2008.

• Conway, W. M. 1906. No Man’s Land: A History of Spitsbergen from Its Discovery in 1596 to the Beginning of the Scientific Exploration of the Country. Cambridge: At the University Press.
• Norwegian Polar Institute Place Names of Svalbard Database
• Lundström, Sven (1997). "Vår position är ej synnerligen god…" Andréexpeditionen i svart och vitt. Borås: Carlssons förlag. (Swedish)