Das Kapital
Das Kapital (Kapitalen) er eit bokverk i tre delar som er skrive av tyskaren Karl Marx. Boka er ei kritisk analyse av kapitalismen.
Den første boka i verket kom ut i 1867. Marx døydde derimot før dei resterande binda kunne bli utgjevne, men den andre og den tredje boka blei fullførte av venen Friedrich Engels og utgjevne i 1885 og 1894. Ei såkalla fjerde bok, «Teoriar om meirverdien» blei gjeven ut i ei redigert utgåve av Karl Kautsky i åra 1905-1910, det opphavlege manuskriptet blei først gjeve ut i 1956.
Ei norsk utgåve blei påbegynt på 1930-talet. Omsetjaren Erling Falk rakk å omsetje bok 1 og 2 og den første tridelen av bok 3 før han døydde. Pax forlag gav på 1970-talet ut forkorta versjonar av alle tre binda. Oktober forlag gav i 1983 ut ei omsetjing av del 1 bok 1 til bokmål, ut over 80-talet gav dei ut resten av bok 1, i til saman 4 delar. Røde Fane gav i 1994 ut ein del av bok 3, Loven om profittraten sin tendens til å falle. Ei utgjeving av Das Kapital er òg i planane til Bokklubben sitt Kulturbibliotek.
Bakgrunnsstoff endre
- Friedrich Engels' samandrag av Das Kapital (pdf-format, engelsk)
- Das Kapital på tysk wikisource
- Das Kapital bok 1 på engelsk
- Das Kapital bok 2 på engelsk
- Das Kapital bok 3 på engelsk
- Teorier om meirverdien på engelsk
- Utdrag av Das Kapital bok 1 på norsk
- Utdrag av Das Kapital bok 2 på norsk
- Utdrag av Das Kapital bok 3 på norsk Arkivert 2006-02-07 ved Wayback Machine.
- Karl Marx: Loven om profittratens tendens til å minke. Kapitalen, bok 3, kapittel 13, 14 og 15, omsett til norsk av J.P. Andresen Arkivert 2006-05-23 ved Wayback Machine. (pdf-format)
- Denne artikkelen bygger på «Das Kapital» frå Wikipedia på bokmål, den 23. juli 2008.
