Den Norske Husflidsforening

Den Norske Husflidsforening er ein norsk organisasjon som blei stifta i Kristiania i september 1891 for å fremja interessa for norsk husflid.[1][2]

Historie

endre

Foreininga blei oppretta ved at tre husflidsforeiningar slo seg saman.[3] I 1892 opna ho butikk i Carl Johans gate 27 og stod for husflidproduksjon i heile landet. Etter kvart blei det oppretta lokallag av organisasjonen rundt omkring i Noreg.[3] Eitt år etter unionsoppløysinga i 1905 blei dronning Maud vernar for Den Norske Husflidsforening.[1]

Kursverksemd i ulike handverks- og handarbeidsteknikkar var tidleg ein viktig del av virket til foreininga.[1] Foreininga starta tidleg å engasjera dyktige, norske formgivarar til å designa modellar og mønster som kunne nyttast til å produsera husflidsprodukt for sal i heimane, og etter kvart blei det også laga mønster for sal til privatpersonar, som strikkemønster og broderimønster.[2]

Husflidsforeningen lyste også ut designkonkurransar for å stimulera norske formgjevarar til å engasjera seg i norsk handverk og husflid. I 1913 heldt foreininga til dømes ein konkurranse om design av daglegstovemøblar.

Butikkutsalet blei skilt ut som eige aksjeselskap på l980-talet med Den Norske Husflidsforening som eigar.[4] I 2004 gjekk butikken konkurs, men året etter opna foreininga Den Norske Husfliden A/S i Rosenkrantzgaten 19/21. Etter samanslåing med Heimen LL Husflitsutsal blei han omdøypt til Heimen Husfliden,[5] som har utsal i Møllergata, i underetasjen til Christiania Glasmagasin, og i Arbeidergata i Oslo. Sidan 2022 har Bondeungdomslaget i Oslo vore eineeigar av verksemda.[4]

Formgjevarar

endre

Gjennom åra har ei rekkje sentrale, norske formgivarar vore tilknytte Den Norske Husflidsforening og skapt mønster for foreininga, blant dei:

Sjå òg

endre

Kjelder

endre
  1. 1,0 1,1 1,2 1,3 Den norske husflidsforening gjennem 40 år : 1891-1931. Oslo: Grøndahl. 
  2. 2,0 2,1 Den Norske Husflidsforening (på norsk). 10. september 2024. 
  3. 3,0 3,1 nettredaksjon (23. januar 2019), «1892 - Den Norske Husflidsforening», Heimen Husfliden (på norsk bokmål), henta 10. januar 2025 
  4. 4,0 4,1 «Den_Norske_Husflidsforening» i Store norske leksikon, snl.no.
  5. Husfliden «Heimen Husfliden» i Store norske leksikon, snl.no.
  6. «Poulsson, Else». Nye norske bokbind. [Oslo]. «Utført av Den Norske Husflidsforening, Oslo» 

Litteratur

endre