Den kaspiske flotiljen

Den kaspiske flotiljen (russisk Каспийская флотилия, Kaspijskaja flotilja) er den eldste russiske militære flotiljen, stasjonert i Kaspihavet. Han fekk Ordenen av den raude fanen i 1945.

Den kaspiske flotiljen
Land	Det russiske imperiet (1722–1917) Sovjetunionen (1917–1991) Russland (1991–no)
Aktiv	November 1722–no
Grein	Marinen

Den kaspiske flotiljen vart oppretta i november 1722 i Astrakhan etter ordre frå Peter den store. Han vart leia av admiral Fjodor Apraksin og deltok i den russisk-persiske krigen 1722–1723 og Den russisk-persiske krigen 1804-1813, og assisterte den russisk armeen i erobringa av Derbent og Baku under Den persiske ekspedisjonen 1796. Etter Gulistan-traktaten i 1813 vart flotiljen den einaste attverande i Kaspihavet. Baku vart den viktigaste basen i 1867.

Flotiljen deltok aktivt i den russiske revolusjonen for den raude armeen. Under den andre verdskrigen 1941-1945 sikra flotiljen viktige skipsruter for soldatar, militært utstyr og forskjellig last, særleg under slaget ved Stalingrad og slaget om Kaukasus.

Av kystforsvarsstyrkar og marineinfanteri er desse nemnde:

• 727. sjølvstendige marineinfanteribataljon forlagt i Astrakhan
• 414. sjølvstendige marineinfanteribataljon forlagt i Kaspijsk
• 46. sjølvstendige kystforsvarsmissilbataljon forlagt i Kaspijsk

Kjelder

• Denne artikkelen bygger på «Caspian Flotilla» frå Wikipedia på engelsk, den 4. juli 2013.