Dmitrij Medvedev

Dmitrij Anatoljevitsj Medvedev (fødd 14. september 1965) er ein russisk politikar, og statsminister i Russland sidan 7. mai 2012. Mellom 2008 og 2012 var han president i Russland.

Dmitrij Medvedev
Verkeleg namn	Дмитрий Анатольевич Медведев
Statsborgarskap	Russland
Fødd	14. september 1965 (58 år) St. Petersburg
Yrke	jurist, politikar, forretningsdrivande
Språk	russisk, engelsk
Høgd	163 centimeter
Verv	President i Russland
Periode	2008–2012
Føregangar	Vladimir Putin
Verv	Statsminister i Russland
Periode	2012–
Føregangar	Vladimir Putin
Politisk parti	Sameint Russland, Sovjetunionens kommunistiske parti
Religion	ortodoks
Far	Anatoly Medvedev
Mor	Yulia Medvedeva
Ektefelle	Svetlana Medvedeva
Nettstad	http://da-medvedev.ru/
Dmitrij Medvedev på Commons

Liv og virke

Medvedev er fødd i Leningrad. Han blei utdanna som jurist ved Universitetet i Leningrad der han tok eksamen i 1987, og doktorgrad i[1990. Han arbeidde på det same universitetet som dosent i juridiske fag frå 1991 til 1999 og var medforfattar til ei lærebok i sivilrett som kom ut i 1991. Frå 1991 til 1996 var han òg juridisk ekspert for komitéen for utanrikssaker i byadministrasjonen i St. Petersburg. Denne komitéen vart leia av Vladimir Putin. I 1999 var han ein av fleire frå St. Petersburg som Putin tok med seg til Moskva. Han har vore Putins stabssjef, og han har vore styreformann i Gazprom i fleire periodar. Han blir sedd på som ein moderat liberal pragmatikar, ein god administrator og ein av Putins lojale medarbeidarar.

Politisk karriere

Han vart den 14. november 2005 utnemnd til første visestatsminister av president Vladimir Putin, ein tittel han delte med Sergej Ivanov. 10. desember 2007 vart det gjort kjent at Putin stødde Medvedev som ny russisk president. Han vart støtta av fire politiske parti, Sameint Russland, Rettferdig Russland, Russlands agrarparti og Borgarkraft. I ei meiningsmåling som vart offentleggjord 26. desember 2007 fekk Medvedev 79 % oppslutning. 2. mars 2008 vart han vald til president i Russland. Han tok over som president den 7. mai 2008. Dagen etter utnemnde han forgjengaren, Vladimir Putin, til statsminister. Det har vorte drøfta mellom ekspertar at det er usikkert om det blir Putin eller Medvedev som kjem til å ha den reelle øvste makta i Russland framover.

Dmitrij Medvedev gifta seg i 1989 med ei klassevenninne frå skulen, Svetlana Linnik, no Medvedeva (fødd 1965). Dei fekk sonen Ilja i 1996.

Bakgrunnsstoff

Commons har multimedium som gjeld: Dmitrij Medvedev