Don Revie
Donald George Revie (10. juli 1927–26. mai 1989) var ein engelsk fotballspelar og trenar frå Middlesbrough. Han er framom alt kjend som sjef i Leeds United sin gullalder, elles landslagssjef for England 1974-77. På bana var Revie indreløpar/senterløpar.
| Don Revie | |
|
| |
| Statsborgarskap | Storbritannia |
| Fødd | 10. juli 1927 Middlesbrough |
| Død | |
| Idrett | fotball |
| Utmerkingar |
offiser av Den britiske imperieordenen |
Karriere endre
Klubbspel endre
Revie var Leicester City-spelar til 1949. Etter to sesongar i Hull City vart han i 1951 overført til Manchester City. Med klubben frå Manchester var han på sitt beste som fotballspelar, i 1955 kåra til årets spelar av dei engelske fotballskribentane. Våren 1955 måtte han og lagkameratane sjå seg slått i FA-cupfinalen, året etter revansjerte City og Revie seg ved å vinne FA-cupen. I oktober 1956 vart han mot £22 000 overført til Sunderland AFC. Han avslutta som aktiv med å gjere teneste 1958-62 i Leeds United.
Landslagsspel endre
Revie spelte 6 landskampar frå oktober 1954 til oktober 1956. Han skåra 4 mål, to av dei då England i København slo heimelaget 5–1 hausten 1955.
Trenar endre
Revie tok over leiinga av Leeds United sitt fotballag i 1961. I 1964 førte han klubben til opprykk til 1. divisjon. På få sesongar stabiliserte Leeds seg som det jamnt over beste klubblaget i engelsk fotball. Laget sigra i 1968 i såvel den engelske ligacupen som den europeiske messebycupen. Sesongen etter vart Leeds engelsk ligameister for fyrste gong. Sidan vart det finalesiger 1971 i messebycupen og 1972 i FA-cupen. Revie avslutta sine år i Leeds med å leie laget til ny ligameistertittel våren 1974.
Sommaren 1974 fekk Revie jobben som landslagssjef for England. Bortsett frå å vinne den britiske meisterskapen 1975, lukkast laget ikkje å kvalifisere seg til finalerunda i EM i fotball 1976. England imponerte elles lite i kvalifiseringa til VM i fotball 1978, så sommaren 1977 takka Revie for seg.
Merittar endre
- Vinnar av FA-cupen: 1956 for Manchester City
Kjelder endre
- Donald Revie ved eu-football
- Denne artikkelen bygger på «Don Revie» frå Wikipedia på engelsk, den 2. november 2022.