Donacobius
Donacobius (Donacobius atricapilla), tidlegare norsk namn svarthettesmett, er ein iaugefallande, vokal, søramerikansk fugleart utan nære slektningar på kontinentet. Han er monotypisk i slekta Donacobius, og somme reknar han som ein eigen familie donacobiusfamilien med vitskapleg namn Donacobiidae,[1][2] men plasseringa er kontroversiell. Donacobius finst i tropiske sumpar og våtmarker i og rundt Amazonas og Orinoco-området, og nordover inn i Panama.
| Svarthettesmett | |
 Foto: Dario Sanches
| |
| Utbreiing og status | |
Status i verda:  Livskraftig Utbreiinga av Svarthettesmett | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Donacobiidae |
| Slekt: | Donacobius |
| Art: | Svarthettesmett D. atricapilla |
| Vitskapleg namn | |
| Donacobius atricapilla | |
Skildring
endreDonacobius er ein trastliknande fugl med lange grå bein, og han sit ofte i ei oppreist stilling. Oversida av vengene er mørkebrune, overgumpen lysare raudbrun og dei lange halefjørene er svarte med store kvite flekker som er synlege på undersida når stjertfjørene er samla. Strupen, brystet og undersida er har bleik, gulkvit farge. Hovudet og halsen er svart, og svarthettesmetten har eit ganske langt, litt nedbøygd svart nebb og karakteristiske gule auge med svart pupill. Kjønna er like.
Donacobius er vanleg i eit breitt spekter av Amazonas våtmarker, inkludert kroksjøar, flaummarksskogsoner og andre område med høg og tett akvatisk eller semi-akvatisk vegetasjon. Ein tredel av utbreiingsområdet ligg utanfor Amazonas-bassenget, frå Panama, Nord-Colombia, og vestlege Venezuela, Orinoco-systemet i Venezuela, til søraustkysten og innlandet av Brasil, og nabolanda sørover til Paraguay og til lengst nord i Argentina. Andre land der arten er registrert er Bolivia, Ecuador, Fransk Guiana, Guyana, Peru og Surinam.[3]
Donacobius dannar par for livet, par av donacobius kan ofte sjåast heile dagen på toppen tett vegetasjon ved innsjøar eller i elvebreiddvegetasjon. Dei er mykje støyande og ofte engasjerer paret seg i ein såkalla vekselsong, slik at dei syng vekselvis, medan dei set inn tilbakevendande songstrofer. Vaksne avkom vil hjelpe foreldra sine og bidra til å få fram fleire ungar frå påfølgjande hekkeperiodar i eit system av samarbeidande hekking.[4]
Kjelder
endre- Denne artikkelen byggjer på «Donacobius» frå Wikipedia på svensk, den 28. januar 2011
Referansar
endre- ↑ Om oppretting av Donacobiidae i oppdateringar til Clementslista desember 2008, under overskrifta Page 388, Donacobius
- ↑ Gill, F and D Donsker (Eds) (2010). «IOC World Bird Names (version 2.7) (Donacobius i Old World Warblers & babblers)». Arkivert frå originalen 24. mars 2010. Henta 28. januar 2011.
- ↑ « Donacobius atricapilla . In: IUCN 2010. IUCN Red List of Threatened Species. Version 2010.4». BirdLife International tilgjengeleg frå <www.iucnredlist.org>. Henta 28. januar 2011.
- ↑ «Donacobius page».
Bakgrunnsstoff
endre- Videoar, bilete og lydopptak av svarthettesmett hos Internet Bird Collection