Engelskspråkleg litteratur

Engelskspråkleg litteratur er litteratur skriven på engelsk i ei rekkje land over heile verda, hovudsakleg tidlegare britiske koloniar.

Engelskspråkleg litteratur er utbreidd i følgjande område:

• Dei britiske øyane med engelsk, skotsk, walisisk og irsk litteratur
• Nord-Amerika med kanadisk, karibisk og USA-amerikansk litteratur
• Afrika i ei rekkje land med engelsktalanade grupper, som ghanesisk, kenyansk, nigeriansk og sørafrikansk litteratur.
• Asia med indisk og pakistansk litteratur
• Oseania med australsk og newzealandsk litteratur

I tillegg til eit felles språk, har den engelskspråklege litteraturen også ein felles bakgrunn som forfattarar kan gå tilbake til, som Shakespeare eller den kjende King James-omsetjinga av Bibelen.

Prisar og utmerkingar

Den viktigaste prisen for engelskspråkleg litteratur er Bookerprisen, ein pris som blir gjeven kvart år til ein engelskspråkleg roman som er blitt gjeven ut i Storbritannia. Fram til 2014 var han berre open for forfatarar frå Det britiske samveldet, deretter blei han opna for alle engelskspråklege forfattar.

Nobelprisen i litteratur er blitt gjeven til ei rekkje engelskspråklege forfattarar frå fleire ulike land:

• Rudyard Kipling (1907): Storbritannia (fødd i Britisk India)
• Rabindranath Tagore (1913): India
• W. B. Yeats (1923): Irland
• George Bernard Shaw (1925): Irland
• Sinclair Lewis (1930): USA
• John Galsworthy (1932): Storbritannia
• Eugene O'Neill (1936): USA
• Pearl S. Buck (1938): USA
• T.S. Eliot (1948): Storbritannia (fødd i USA)
• William Faulkner (1949): USA
• Bertrand Russell (1950): Storbritannia
• Winston Churchill (1953): Storbritannia
• Ernest Hemingway (1954): USA
• John Steinbeck (1962): USA
• Samuel Beckett (1969): Irland (budde i Frankrike store delar av livet)
• Patrick White (1973): Australia
• Saul Bellow (1976): USA (fødd i Canada)
• Isaac Bashevis Singer (1978): USA (fødd i Polen)
• William Golding (1983): Storbritannia
• Wole Soyinka (1986): Nigeria
• Joseph Brodsky (1987): USA (fødd i Russland)
• Nadine Gordimer (1991): Sør-Afrika
• Derek Walcott (1992): Saint Lucia i Karibia
• Toni Morrison (1993): USA
• Seamus Heaney (1995): Irland
• V.S. Naipaul (2001): Storbritannia (fødd i Trinidad)
• J.M. Coetzee (2003): Sør-Afrika
• Harold Pinter (2005): Storbritannia
• Doris Lessing (2007): Storbritannia (fødd i Persia, oppvoksen i Zimbabwe)
• Alice Munro (2013): Canada
• Bob Dylan (2016): USA
• Kazuo Ishiguro (2017): Storbritannia (fødd i Japan)

Kjelder

• Denne artikkelen bygger på «Englischsprachige Literatur» frå Wikipedia på tysk, og «Engelskspråkleg litteratur» frå Wikipedia på svensk den 28. februar 2018.