Enniskillen
Enniskillen er den største byen i County Fermanagh i Nord-Irland. Han ligg midt i fylket, på øya som skil øvre og nedre del av Lough Erne. Byen var administrasjonssenter for det tidlegare distriktet Fermanagh. Enniskillen hadde 13 823 innbyggjarar ved folketeljinga i 2011.[2]
| Enniskillen | |||
| irsk Inis Caeithleann ulsterskotsk Inniskillin[1] | |||
| by | |||
 | |||
| Land |  Nord-Irland
| ||
|---|---|---|---|
| Fylke | County Fermanagh | ||
| Distrikt | Fermanagh and Omagh | ||
| Areal | 13,011 km² | ||
| Folketal | 13 599 (2001) | ||
 Enniskillen 54°20′41″N 7°38′20″W / 54.344722222222°N 7.6388888888889°W | |||
| Wikimedia Commons: Enniskillen | |||
Namnet Enniskillen kjem frå irsk Inis Ceithleann, 'øya til Cethlenn'. Dette viser til Cethlenn, ein figur frå irsk mytologi som ifølgje soga blei såra i slag av ei pil og prøvde å symja over elva Erne, men ikkje kom seg over. Øya i midten av elva blei difor kalla opp etter henne. Det finst talrike engelske stavemåtar gjennom historia – Iniskellen, Iniskellin, Iniskillin, Iniskillen, Inishkellen, Inishkellin, Inishkillin, Inishkillen og så vidare.[3]
Bombinga av Enniskillen
endreFram til 1987 hadde Enniskillen vore nokså lite råka av konflikten i Nord-Irland. På Remembrance Sunday, i november 1987, sprengde Det provisoriske IRA ei bombe i byen som drap 11 tilfeldige sivile. Eit av offera var sjukepleiaren Anne-Marie Wilson, og faren hennar Gordon Wilson blei etter tragedien ein leiar i arbeidet for fred i Nord-Irland. PIRA hevda seinare at målet deira hadde vore ei avdeling britiske soldatar som deltok i markeringa av Remembrance Sunday. Enniskillenbomba har i ettertid blitt sett på som eit vegskilje i den irske fredsprosessen, ettersom ho førte til ei isolering av den mest radikale delen av PIRA og ei styrking av meir moderate krefter som ønskte å forhandla. I 1997 kom Sinn Féin-leiaren Gerry Adams med ei offentleg orsaking for bomba.
Kjelder
endre- ↑ «Home» (PDF). Arkivert frå originalen (PDF) 25. oktober 2013. Henta 19. juli 2011.
- ↑ «Census 2011 Population Statistics for Enniskillen Settlement». Northern Ireland Statistics and Research Agency. Arkivert frå originalen 26. juni 2020. Henta 5. mars 2018.
- ↑ «Inis Ceithleann/Enniskillen». Placenames Database of Ireland (logainm.ie). Department of Culture, Heritage and the Gaeltacht and Dublin City University. Arkivert frå originalen 31. juli 2020. Henta 7. juli 2020.
- Denne artikkelen bygger på «Enniskillen» frå Wikipedia på bokmål og «Enniskillen» frå Wikipedia på engelsk, den 8. februar 2022.
