Erling J. Norvik
Erling Johannes Norvik (27. april 1899–27. november 1964) var ein norsk embetsmann og Høgre-politikar frå Trondenes.
| Erling J. Norvik | |
| Statsborgarskap | Noreg |
| Fødd | 26. april 1899 Trondenes kommune |
| Død |
27. november 1964 (65 år) |
| Yrke | politikar, embetsmann |
| Språk | norsk |
| Politisk parti | Høgre |
Norvik, som var son til ein hamnefut, gjekk ut av middelskulen i 1915 og vart i 1917 uteksaminert frå Trondhjems Handelsgymnasium. Etter eit mellomspel på eit reiarlagskontor vart han i 1918 tilsett på kontoret til Finnmark fylkeskommune i Vadsø. Frå 1926 rykte han opp til fullmektig, og tilsett som kontorsjef i 1945. Dei fyrste månadene etter andre verdskrigen var over, fungerte han som fylkesmann. Frå 1948 til 1962 var han skattefut i Finnmark.
Norvik var medlem av Vadsø bystyre 1931–36 og av formannskapet 1947–51. Han var 1950-61 medlem i landsstyret til partiet Høgre. Frå januar 1950 til 1961 representerte han Høgre på Stortinget, den fyrste fireårsbolken frå kjøpstadene i Nordland, Troms og Finnmark, dei to siste valperiodane frå Finnmark 1954–61. Han var 1950-53 sekretær i Sjøfarts- og fiskerikomiteen, 1954-57 formann i Administrasjonskomiteen og 1958-61 medlem i Skog-, vassdrags- og industrikomiteen.
Framom stortingvalet 1961 fekk sonen Erling Norvik fyrsteplassen på Høgre si valliste for Finnmark, og var stortingsrepresentant dei neste tolv åra.