Erling Lægreid
Erling Lægreid (5. september 1939–25. november 2011) var ein norsk forfattar og journalist tilknytt NRK gjennom fleire tiår. Han er kjend som programleiar, kåsør og kommentator.
| Erling Lægreid | |
| Statsborgarskap | Noreg |
| Fødd | 5. september 1939 Årdal kommune 
|
| Død |
25. november 2011 (72 år) |
| Yrke | journalist, skribent, radioprogramleiar, filolog |
| Prisar | Amboltprisen |
Lægreid vaks opp på Årdalstangen i Årdal kommune. Han opplevde den tyske okkupasjonen, då tyskarane byrja bygginga av det som seinare skulle bli Årdal og Sunndal Verk. Lægreid utdanna seg til filolog og tok hovudfag i norsk ved Universitetet i Oslo i 1965. I 1962 var han med på å skipa Riksfondet for nynorsk presse og Dag og Tid. Forutan å skrive om litteratur, film og teater var han tidleg engasjert i den daglege drifta av avisa, og fungerte ei stutt tid som redaktør. Med unntak av to år var han styreleiar i Dag og Tid frå 1967-1989. Frå 2009 og fram til han døydde hadde han ei eiga spalte i avisa kvar han skreiv om personar han hadde møtt gjennom eit langt liv som journalist. Dei siste åra sat han òg som styreleiar i Riksfondet for nynorsk presse.[1]
Lægreid blei tilsett ved NRK i 1970, først i Barne- og Ungdomsavdelinga der han mellom anna var programleiar i Ungdommens Radioavis og fjernsynsprogrammet Flimra. Seinare var han lenge programleiar for Søndagsavisa i P2, og var med på å skapa radiomagasina Ekko og Dagsnytt 18. Lægreid arbeidde dessutan med fleire andre kulturprogram, og bidrog som kommentator og kåsør både i fjernsyn og radio.
Lægreid gav også ut fleire bøker.
Bibliografi
endreBøker
endre- 1985 – Slik greidde vi oss! : daglegliv under krigen 1940–45 (Oslo: Samlaget). ISBN 82-521-2640-5 I fulltekst ved nb.no [Redaktør saman med Yngvar Ustvedt]
- 1993 – Då Noreg gjekk av skaftet : hogg i 80-åras elleville historie (Oslo: Samlaget). ISBN 82-521-4024-6 I fulltekst ved nb.no
- 1994 – Bak maska (Oslo: Samlaget). ISBN 82-521-4400-4 I fulltekst ved nb.no
- 2005 – Britt Smelvær (Leikanger: Skald). ISBN 82-7959-056-0 I fulltekst ved nb.no [Tekstar av Erling Lægreid, Jorunn Veiteberg og Britt Smelvær]
- 2006 – Han (Oslo: H Press). ISBN 82-92532-10-2
- 2011 – Nærgåande skisser (Oslo: Samlaget). ISBN 978-82-521-7983-5
- 2012 – Fleire nærgåande skisser (Oslo: Samlaget). ISBN 978-82-521-8170-8
I tidsskrift - eit utval
endrePrisar
endre- 2006 – Amboltprisen
Kjelder
endre- ↑ Svein Gjerdåker, Ola Mestad og Ola Relling (2011). «Erling Lægreid 1939-2011». Dag og Tid (48): 16.
- «Erling Lægreid» på Wikipedia på bokmål og riksmål, innhenta 28. juni 2010.
- Erling Lægreid i Stemmer fra arkivet på NRK.no
- «Erling Lægreid er død», NRK.no