Fertilt stoff

Fertilt stoff er eit stoff som når det vert utsett for stråling kan omdannast slik at det blir fissilt og kan nyttast som reaktorbrensel.

Fertilt stoff som finst i naturen, er ²³⁸U (uran) og ²³²Th (thorium), som ved nøytroninnfanging og den påfølgjande beta-utsendinga går over i høvesvis ²³⁹Pu (plutonium) og ₂₃₃U, som begge fisjonerer etter innfanging av termiske nøytron. Omdanning av fertilt stoff til fissilt stoff føregår i formeiringsreaktorar (breeder-reaktorar).

Medan ressursane av fissilt stoff er forholdsvis avgrensa, vil ressursane av fertilt stoff med dagens energiforbruk kunne dekke behovet for reaktorbrensel i mange tusen år.

Kjelder

• fertilt stoff. (28.02.2013) I Store norske leksikon. Henta frå: http://snl.no/fertilt_stoff