Opna hovudmenyen

Filippo Inzaghi

italiensk fotballmanager og fotballspelar

Filippo Inzaghi (fødd 9. august 1973) er ein italiensk tidlegare fotballspelar frå Piacenza. Han spela for klubbar som Parma FC, Atalanta, Juventus og sist AC Milan. Inzaghi vart verdsmeister med Italia i 2006, med Milan vann han Meisterligaen i 2003 og 2007, dessutan vann han to Serie A-meisterskap, med høvesvis Juventus og Milan, samt eit nasjonalt cupgull med Milan. Også den yngre broren Simone Inzaghi var fotballspelar på toppnivå.

Filippo Inzaghi
Filippo Inzaghi 2011.jpg
Filippo Inzaghi i 2011
Personleg informasjon
Fullt namn Filippo Inzaghi
Kallenamn Pippo
Fødd 9. august 1973 (46 år)
Fødestad Piacenza i Italia
Høgd 181 cm
Posisjon Angrepsspelar
Klubbinformasjon
Noverande lag
Benevento (trenar)
Seniorkarriere*
År Lag Kampar (Mål)
1991-1995 Piacenza 39 (15)
1992-1993AlbinoLeffe (lån) 21 (13)
1993-1994Hellas Verona (lån) 36 (13)
1995-1996 Parma 15 (2)
1996-1997 Atalanta 33 (24)
1997-2001 Juventus 120 (57)
2001-2012 Milan 202 (73)
Totalt 466 (197)
Landslag
1997-2007 Italia 57 (25)
Trenar for
2012-2013 Milan Allevi National
2013-2014 Milan Primavera
2014-2015 Milan
2016-2018 Venezia
2018-2019 Bologna
2019- Benevento FC
* Seniorklubbkampar og mål berre telt for nasjonal liga

KlubbspelEndra

Den seinare midtspissen Inzaghi debuterte i Serie B for den lokale klubben Piacenza Calcio utan å slå til. Sesongen 1992/93 spela han for Serie C-klubben Albinoleffe der han noterte seg for tretten nettkjenningar på 21 kampar. Etter korte opphald i Verona og deretter Piacenza debuterte han i sesongen 1995/96 for Parma i Serie A og skåra to mål på 15 kampar.

Inzaghi slo gjennom som toppspiss i 1996/97-sesongen, då han i sitt andre år i Serie A skåra 24 mål på 33 kampar for Atalanta frå Bergamo og vart skyttarkonge i serien. I 1997 gjekk han til Juventus, der han i løpet av fire sesongar presterte på eit høgt nivå og spela seg inn på det italienske landslaget. Han vart seriemeister med Juventus i 1998, då han danna ein sterk offensiv trio i lag med Alessandro Del Piero og Zinedine Zidane.

I 2001 vart Inzaghi overført til AC Milan og opplevde å vinne Meisterligaen både i 2003 og i 2007. Den 23. mai 2007 opplevde Inzaghi sitt personlege høgdepunkt då han skåra Milans begge mål i meisterliga-finalen mot Liverpool FC og vart matchvinnar. Han var elles med på å verte italiensk cupmeister med Milan i 2003, og å vinne den italienske seriemeisterskapen i 2004. Han spela eit fåtal kampar for Milan også då klubben vann Serie-A i 2011.

Inzaghi la opp som fotballspelar då kontrakten med Milano-klubben gjekk ut i 2012. Sidan har han arbeidd som fotballtrenar.

LandslagsspelEndra

Inzaghi debuterte på landslaget 8. juni i ein vennskapskamp mot Brasil. Han spela for Italia under VM 1998 og VM 2002, og var også med i troppa til VM 2006 i Tyskland der han skåra eitt mål, men fekk lite speletid. Under fotball-EM 2000 skåra han to mål for Italia, men kom ikkje på bana i finalen mot Frankrike, ein kamp som enda med fransk siger etter ekstraomgangar.

Vel ti år etter han fekk sin landslagsdebut spela Inzaghi sin 57. og siste landskamp for Italia mot Frankrike på heimebana i Milano. Kvalifiseringskampen til EM 2008 enda 0-0. Han stoppa då på 25 landslagsmål for Italia, berre fem italienske landslagsspelarar har netta fleire gongar for Italia pr 2014.

MerittarEndra

  • EM-sølv 2000 for Italia
  • VM-gull 2006 for Italia
  • Vinnar av Meisterligaen 2003 og 2007 med AC Milan
  • Italiensk seriemeister 1998 med Juventus
  • Italiensk seriemeister 2004 med AC Milan
  • Italiensk cupmeister 2003 med AC Milan

KjelderEndra