Fredrik Olsson Romhus
Fredrik Olsson Romhus (15. desember 1753–1802) var ein norsk bondeklokkemakar frå Aurskog på Romerike.
| Fredrik Olsson Romhus | |
| Fødd | 15. desember 1753 |
| Død |
1802 (48 år) |
Han var fødd på plassen Randum under garden Tonsberg i Aurskog 15.12.1753, foreldra var husmannsfolka Ola Torsteinsson (1718-1795) og Anne Hansdotter (1726-1790). Han gifta seg 26.9.1776 i Aurskog med Anne Maria Jensdotter (1756-1803). Far hennar var Jens Askjellsson Bokstad (1726-1784), skulehaldar i bygda og elles ein særs gåverik mann, og det var frå han Fredrik lærde å laga klokker. Fredrik og huslyden hans flytte mykje frå stad til stad. Romhus-namnet tok Fredrik frå ein plass dei budde på som låg under prestegarden i Aurskog. Dei budde til sist på garden Vestre Auli i Nes på Romerike. Han lét etter seg sju søner, og den gjævaste klokkemakaren av dei var Mats Fredriksson Romhus.
Kjelder
endre- Fortegnelse over ældre norske Urmagere især Bondeurmagere af Dr. A. Chr. Bang. Kristiania 1910. Tilgjengeleg på Digitalarkivet
- Aurskog og Blaker b. 3. Bygdenes historie av Eyvind Lillevold. Hamar 1968.
- Kyrkjebøkene I 2 og I 3 for Aurskog prestegjeld