Geble Pedersson

Geble Pedersson var den første protestantiske biskopen i Noreg.

Geble Pedersson
Fødd	1490 Herøy
Død	9. mars 1557 (66 år) Bergen
Yrke	prest

Geble var fødd på Teigstad på Dønna rundt 1490. Han var truleg av lågadelslekt. Frå 1523 til 1535 var han erkedegn i Bergen. I 1536 vart han utnemnd til katolsk biskop. Under reformasjonen oppheldt han seg i København. Her vart han vigsla til superintendent - reformasjonens namn på bispeembetet - saman med sju danske kollegaer. Herfrå reiste han attende til Bergen for å leie oppbygginga av den nye kyrkja i Bergen Stift.

Den første oppgåva han tok fatt på, var å få latinskolen på fote. Samstundes arbeidde han for at St. Olavs kyrkje skulle bli ei verdig domkyrkje.

Ved fødestaden vart det i 1999 reist ein seks meter høg granittbauta over kyrkjemannen og humanisten Geble Pedersson.

Kjelder

• Tore Gleinsvåg: «Bautaer / skulpturer i Dønna» i Årbok for Helgeland 2006