Geofysikk
(Omdirigert frå Geofysikar)
Geofysikk er ein vitskap innan geovitskapane der ein studerer fysiske tilhøve knytte til jorda. Praktisk geofysikk spelar ei stor rolle. Mellom anna vert han nytta innan vêrvarsling med meteorologi. Ionosfæreforskinga eller aeronomi er viktig for radiokommunikasjon. Oseanografi er viktig for fiske og sjøfart, samt for militære føremål. I tillegg vert geofysikk nytta ved leiting etter malm og petroleum.
Fag
endre- Atmosfærisk fysikk
- Fysisk oseanografi
- Limnologi, vitskapen om innsjøar og rennande vatn.
- Hydrologi, vitskapen om vassførekomstar, vasskrinslaupet og vassfordelinga på landjorda
- Fastjordsfysikk
- geodesi eller jordmåling
- seismologi, læra om jordskjelv og bølgjerørsler i jorda
- gravimetri, utforking av tyngdefeltet til jorda)
- studiet av jordmagnetismen
- geotermikk, studiet av varmestraumar i og varmestråling til og frå jorda.
Vulkanologi og glasiologi er grenseområde mellom geofysikk og geologi.
