Gerd Janne Kristoffersen

Gerd Janne Kristoffersen (fødd 18. november 1952 i Verdal) er ein norsk politikar frå Arbeidarpartiet. Ho vart vald inn på Stortinget for Nord-Trøndelag i 2005 og 2009, og sat ut denne perioden til 2013. Ho var vararepresentant frå 2001.

Gerd Janne Kristoffersen
Fødd	18. november 1952 Verdal
Parti	Arbeidarpartiet
Verv	Ordførar i Verdal
- periode	1999-2005
- etterfylgjar	Bjørn Iversen

Kristoffersen var formannskapsmedlem i Verdal 1991–1995, og ordførar 1999–2005. I periodar 1995-1999 var ho medlem av Nord-Trøndelag fylkesting, i 1997-1999 medlem av Arbeiderpartiets landsstyre og leiar i Nord-Trøndelag Arbeidarparti frå 2008.

Ho er utdanna sjukepleier frå Innherad sjukepleiarhøgskole frå 1974, og har seinare vidareutdanna seg i leiing og pedagogikk. Ho har hatt ulike stillingar som sjukepleiar, faglærar og oversjukepleiar, det meste av tida ved Sjukehuset Levanger.

Stortingskomitear

• 2005–2009: medlem i Kyrkje-, utdannings- og forskingskomiteen
• 2005–2009: varamedlem i Valkomiteen
• 2009–2013: medlem i Finanskomiteen

Bakgrunnsstoff

• Gerd Janne Kristoffersen hjå Stortinget
• Gerd Janne Kristoffersen hjå TV 2