Gerry Beckley
Gerald Linford Beckley (fødd 12. september 1952), betre kjend som Gerry Beckley, er ein USA-amerikansk songar, låtskrivar og musikar, og grunnleggjaren av bandet America.[1][1]
| Gerry Beckley | |||
 Beckley i 2012 | |||
| Fødd | 12. september 1952 (71 år) | ||
|---|---|---|---|
| Fødestad | Fort Worth i Texas i USA | ||
| Fødenamn | Gerald Linford Beckley | ||
| Opphav | USA | ||
| Aktiv | Sidan 1967 | ||
| Sjanger |
| ||
| Instrument |
| ||
| Tilknytte artistar | America | ||
| Plateselskap | |||
| Verka som |
| ||
Tidleg liv endre
Beckley vart fødd av ein amerikansk far og ei engelsk mor. Han byrja å spela piano i ein alder av tre år og gitar nokre år seinare. I 1962 spelte Beckley gitar i The Vanguards, eit instrumentalt surfemusikkband i Virginia. Han var kvar sommar i England og oppdaga snart musikken i den britiske bølgja.
Karriere endre
I 1967 vart far til Beckley kommandant ved United States Air Force-basen RAF West Ruislip i nærleiken av London. Gerry gjekk på London Central High School i Bushey Hall nordvest i London, der han spelte i ulike skuleband og møtte dei kommande bandmedlemmene sine, Dewey Bunnell og Dan Peek. Opphavleg spelte gruppa på fredagskveldane på den lokale amerikanske ungdomsklubben, for det meste med akustiske coverlåtar av Crosby, Stills, and Nash. Den opphavlege trommeslagaren var ein klassekamerat, Dave Atwood.
America skreiv platekontrakt med den britiske avdelinga av Warner Records og fekk suksess i 1972 med «A Horse with No Name».
Beckley skreiv og song topp 10-hitten til America frå 1972, «I Need You» og listetoppen «Sister Golden Hair» frå 1975, og dessutan topp 20-oppfølgjaren «Daisy Jane». Han song òg topp 10-hitten «You Can Do Magic» på 1980-talet.
Beckley held fram med å skriva og spela inn musikk både som soloartist og saman med andre musikarar. Med Bunnell held Beckley fram å turnera over heile verda som America.
Solo-prosjekt endre
I John Waters-filmen Cry-Baby frå 1990 dukka Beckley, Andrew Gold og Timothy B. Schmit opp som Baldwin and the Whiffles, og framførte «Mister Sandman», «The Naughty Lady of Shady Lane» og «Sh-boom».
Beckley har jobba med eit breitt utval av musikarar på mange prosjekt. På midten av 1970-talet samarbeidde han med David Cassidy på Cassidy sitt kritikarroste RCA-album, der han både skreiv, song og var medprodusent. Frå 1992 til 1997 samarbeidde han med Carl Wilson frå The Beach Boys og Robert Lamm frå Chicago, noko som kulminerte med utgivinga av Like a Brother i 2000, som var dei siste innspelingane Wilson gjorde før han døydde i 1998.
I mai 2006 gav Beckley ut eit nytt soloalbum, Horizontal Fall.
I mars 2007 dukka Beckley opp som gjest i det australske musikalske spørjeprogrammet Spicks and Specks.[2] I april 2007 var han ein spesiell gjest på eit Ben Kweller-show i Melbourne i Australia. Beckley, Kweller og bandet framførte «Sister Golden Hair» saman.
Beckley gav i 2016 ut soloalbumet Carousel, som han framførte den 7. september 2016 på Whisky a Go Go i Hollywood i California.[3]
Beckley er òg medlem av Les Deux Love Orchestra.
Privatliv endre
Beckley var gift med Eleanor Beckley frå 1978 til 1982 og deretter med Kathy Beckley. Han har to søner, Matthew (fødd 16. juli 1983) og Joe (fødd 22. februar 1992). Matthew er òg musikar; han har turnert med Katy Perry og har jobba med andre artistar, blant dei Ke$ha og Britney Spears.[4] Joe er ein aspirerande fotograf i Los Angeles-området. Beckley, som no er gift med ein australiar, deler tida si mellom heimane i California og Australia.[5]
Diskografi endre
Sjå òg diskografien til America
Soloalbum endre
- Van Go Gan (1995)
- Go Man Go (2000)
- Horizontal Fall (2006)
- Happy Hour (2009)
- Unfortunate Casino (2011)
- Carousel (2016)
- Five Mile Road (2019) (23. plassen på amerikanske Americana/Folk Album-lista)[6]
- Discovering America (2020) - Spelt inn i juni 1970 i Morgan Studios
- Keeping The Light On - The Best of Gerry Beckley (2021) - samlealbum og nye studioopptak
- Aurora (2022)
Samarbeid endre
- Baldwin and the Whiffles - Cry-Baby Soundtrack (1990)
- Beckley, Lamm & Wilson - Like A Brother (2000)
Som studiomusikar endre
- Mike Hugg - Somewhere (1972)
- Dan Fogelberg - Souvenirs (1974)
- David Cassidy - Home Is Where the Heart Is og Getting It in the Street (begge 1976)
- Ricci Martin - Beached (1977)
- Rick Danko - Rick Danko (1977)
- Dennis Wilson - Pacific Ocean Blue (1977)
- Dave Mason - Mariposa De Oro (1978)
- Jimmy Webb - Angel Heart (1982)
- Dan Peek - Doer of the Word (1984)
- Ymse artistar - Cry Baby – Original Soundtrack (1990)
- Modern Folk Quartet - Highway 70 (1995)
- Ymse artistar - For the Love of Harry – Everybody Sings Nilsson (1995)
- Robert Lamm - In My Head (1999)
- Jeff Larson - Room for the Summer (2000)
- Jeffrey Foskett - Twelve And Twelve (2000)
- Les Deux Love Orchestra - Music From Les Deux Cafés (2001)
- Jeff Larson - Fragile Sunrise (2002)
- Low - Trust (2002)
- Robert Lamm - Subtlety And Passion (2003)
- Jeff Larson - Sepia (2004)
- Low - Great Destroyer (2005)
- Les Deux Love Orchestra - King Kong (2005)
- Brian Wilson a.o. - One World Project (2005)
- Bill Mumy - With Big Ideas (2006)
- Les Deux Love Orchestra - Ecstasy (2008)
- Al Jardine - A Postcard From California (2009)
- Jeff Larson - Heart of the Valley (2009)
- Les Deux Love Orchestra - Planet Claire 3D Maxi-Single (2009)
- Nick Vernier Band - Sessions (2010)
Kjelder endre
- Denne artikkelen bygger på «Gerry Beckley» frå Wikipedia på engelsk, den 16. april 2023.
- Wikipedia på engelsk oppgav desse kjeldene:
- ↑ 1,0 1,1 «Eugene Register-Guard - Google News Archive Search». news.google.com. Henta 17. april 2023.
- ↑ «Spicks and Specks: episode guide - Episode Seven (21/03/2007)». www.abc.net.au. Henta 17. april 2023.
- ↑ «Gerry Beckley debuterer nytt album Carousel live på Whisky A-Go-Go - Concert Blogger». concertblogger.com. Henta 17. april 2023.
- ↑ «Matt Beckley - Credits - AllMusic». AllMusic. Henta 17. april 2023.
- ↑ «Livslærdom fra 45 år med rock». Starter ved 60. 12. mai 2017.
- ↑ «Billboard Americana Folk Album Sales Chart». billboard.com/charts/americana-folk-album-sales. Henta 4. oktober 2019.