Get Closer av Linda Ronstadt
| Get Closer Studioalbum av Linda Ronstadt | ||
| Språk | engelsk | |
| Utgjeve | September 1982 | |
| Innspelt | August 1981 til august 1982 | |
| Sjanger | Rock | |
| Lengd | 36:31 | |
| Selskap | Asylum | |
| Produsent | Peter Asher | |
| Linda Ronstadt-kronologi | ||
|---|---|---|
| Greatest Hits, Volume 2 (1980) |
Get Closer | What's New (1983)
|
| Singlar frå Get Closer | ||
|
||
Get Closer er det ellevte studioalbumet til den amerikanske songaren Linda Ronstadt, gjeve ut i 1982.
Historie
endreEtter det førre albumet hennar, Mad Love i 1980, hadde karrieren til Ronstadt teke ho bort frå countryrocken ho hadde slått gjennom med i 1970-åra. I 1980-1981 gjekk ho inn i lett opera på Broadway (The Pirates of Penzance), og under produksjonen av musikalen fekk ho eit ønske om å spele inn eit album med standardsongar. I 1981, spelte ho inn albumet Keeping Out of Mischief med produsenten Jerry Wexler, men var ikkje nøgd med kvaliteten og skrinla utgjevinga.[1] Sjølv om ho seinare prøvde seg på nytt og enda opp å gje ut ein trilogi med album i lag med Nelson Riddle, spelte ho inn Get Closer for å gjere selskapet hennar nøgd. Her gjekk Ronstadt attende til sjangrar som hadde gjeve ho stor suksess i 1970-åra, igjen med produsenten Peter Asher.
Albumet inneheld to originale spor, som var tidlegare spelt inn av andre artistar, men ikkje gjeve ut på album før. Den første var ein song av George Jones, «Sometimes You Just Can't Win», som vart spelt inn i juni 1977 med J.D. Souther på harmonivokal og meint for albumet Simple Dreams. Den andre var ein Dolly Parton-song frå 1971, «My Blue Tears», som vart framført med Parton og Emmylou Harris som ein del av eit planlagt trio-album som det ikkje vart noko etter at dei var i studio i lag i januar 1978. Dei spelte seinare inn og gav ut albumet Trio i 1987. Get Closer inneheld ein duett med James Taylor i ein versjon av Ike and Tina Turner sin «I Think It's Gonna Work Out Fine». Minst to songar, «Tell Him» og «Get Closer», vart spelt inn i 1981.
Mottaking
endre| Meldingar | |
|---|---|
| Karakter | |
| Kjelde | Karakter |
| Allmusic |   [2] |
| Robert Christgau | C+[3] |
| Rolling Stone | [4] |
Asylum Records gav ut Get Closer seint i september 1982.[5] Kritikarane skreiv om ein ny sjølvtillit i vokalen til Ronstadt. Ken Tucker i Rolling Stone skreiv at «røysta til Linda Ronstadt har aldri vore betre enn på Get Closer...»[4]
Albumet selde skuffande og nådde 31. plassen på den amerikanske albumlista til Billboard seint i 1982,[6] og vart det første albumet hennar som ikkje nådde topp 5 på albumlsita sidan 1973. Det selde likevel til gullplate for eit sal på over 500 000 eksemplar, og hadde selt over 900 000 i USA aleine før det gjekk ut av salslista.
Det drivande tittelsporet, «Get Closer», vart skriven avJon Carroll,[7] som var medlem av Starland Vocal Band. Songen har ein uvanleg 7/4-takt og vart seinare nytta i ein reklamefilm for tannkremen Close-Up. Med hjelp av ein populær musikkvideo på MTV nådde «Get Closer» 29. plassen på Billboard Hot 100 og topp 20 på Cash Box-lista. Han vart mykje spelt på AOR-radio. Oppfølgjaren, «I Knew You When», fekk òg god hjelp av ein populær musikkvideo og nådde 37. plassen på poplista, 25. plassen på Adult Contemporary-lista og 84. plassen på countrylista.
Ronstadt si tolking av Jimmy Webb-songen «Easy For You To Say», vart ein overraskande topp 10-hit på Billboard Adult Contemporary-lista våren 1983. «Sometimes You Just Can't Win», B-sida til singelen «Get Closer», nådde 27. plassen på Billboard Hot Country Songs-lista.[8]
Ronstadt vart nominert i 1983 for Grammyprisen for beste kvinnelege popsong og beste kvinnelgee rockesong for albumet og songen «Get Closer», men tapte for høvesvis Melissa Manchester og Pat Benatar.[9] Albumet vann derimot Grammyprisen for beste plateomslag, som gjekk til designarane Ron Larson og Kosh.
Innhald
endre| Nr. | Tittel | Låtskrivar(ar) | Lengd |
|---|---|---|---|
| 1. | «Get Closer» | Jon Carroll | 2:29 |
| 2. | «The Moon Is a Harsh Mistress» | Jimmy Webb | 3:03 |
| 3. | «I Knew You When» | Joe South | 2:53 |
| 4. | «Easy for You to Say» | Jimmy Webb | 4:03 |
| 5. | «People Gonna Talk» | William Wheeler, Lee Dorsey, Morris Levy, Clarence L. Lewis | 2:38 |
| 6. | «Talk to Me of Mendocino» | Kate McGarrigle | 2:57 |
| Nr. | Tittel | Låtskrivar(ar) | Lengd |
|---|---|---|---|
| 7. | «I Think It's Gonna Work Out Fine» (med James Taylor) | Rose Marie McCoy, Sylvia McKinney | 4:01 |
| 8. | «Mr. Radio» | Roderick Taylor | 4:07 |
| 9. | «Lies» | Buddy Randell, Beau Charles | 2:35 |
| 10. | «Tell Him» | Bert Berns | 2:35 |
| 11. | «Sometimes You Just Can't Win» | Smokey Stover | 2:30 |
| 12. | «My Blue Tears» | Dolly Parton | 2:40 |
| Total lengd: | 36:31 | ||
Medverkande
endreMusikarar
endre- Linda Ronstadt – solovokal, korvokal (1, 3, 7, 10, 12)
- Bill Payne – Wurlitzer elektrisk piano (1), akustisk piano (2, 3, 5), strykearrangement og dirigent (2), orgel (3), Fender Rhodes (4, 8), synthesizer (8), klaverinstrument (9, 10)
- Lindsey Buckingham – trekkspel (6)
- Don Grolnick – Prophet 5 (7), orgel (11)
- Andrew Gold – elektrisk gitar (1, 10), akustisk gitar (6, 8), perkusjon (7, 8, 10), harmonivokal (8), akustisk piano (11)
- Danny Kortchmar – elektrisk gitar (1-4, 9, 11)
- Waddy Wachtel – elektrisk gitar (1, 4, 7, 10), akustisk gitar (11)
- Dan Dugmore – pedalsteelgitar (2, 8, 11), elektrisk gitar (4, 7, 9)
- David Grisman – mandolin (6)
- Emmylou Harris – akustisk gitar (12), solo- og korvokal (12)
- Bob Glaub – bassgitar (1-5, 7-10)
- Kenny Edwards – akustisk bassgitar (6), bassgitar (11)
- Russ Kunkel – trommer (1-5, 8, 9)
- Rick Shlosser – trommer (7, 10)
- Rick Marotta – trommer (11)
- Peter Asher – perkusjon (8, 10)
- Jerry Peterson – saksofon (5)
- Jim Horn – barytonsaksofon (7)
- Dennis Karmazyn – cello (6)
- Patti Austin – korvokal (1, 3)
- Rosemary Butler – korvokal (1, 3, 9, 10)
- James Taylor – solo- og korvokal (7)
- Edie Lehmann – korvokal (9)
- Debbie Pearl – korvokal (10)
- J.D. Souther – solo- og harmonivokal (11)
- Dolly Parton – solo- og korvokal (12)
Produksjon
endre- Peter Asher – produsent (spor 1-11)
- Brian Ahern – produsent (spor 12)
- George Massenburg – lydteknikar (spor 1-11)
- Val Garay – lydteknikar (spor 1-11)
- Stuart Taylor – lydteknikar (spor 12)
- Niko Bolas, Barbara Rooney og Bruce Wildstein – assisterande lydteknikarar (spor 1-11)
- Doug Sax – mastering
- Edd Kolakowski – piano- og gitarteknikar
- Aaron Rapoport – fotografi
- John Kosh med Ron Larson – kunstnarisk leiar og design
- Gloria Boyce – albumkoordinator
- Studio
- spor 1-11 spelt inn i George Massenburg Studios (Los Angeles, CA).
- spor 12 spelt inn i Record One (Sherman Oaks, CA).
- Mastering i The Mastering Lab (Hollywood, CA).
Salslister
endre| Liste (1982/83) | Plassering |
|---|---|
| Australia (Kent Music Report)[10] | 31 |
| Canadian RPM Top Albums | 48 |
| USA (Billboard 200) | 31 |
Kjelder
endre- Denne artikkelen bygger på «Get Closer (Linda Ronstadt album)» frå Wikipedia på engelsk, den 7. desember 2020.
- Wikipedia på engelsk oppgav desse kjeldene:
- ↑ Bloom, Steve. «An Intimate Conversation with Linda Ronstadt (originally published in Downbeat, July 1985)». Linda Ronstadt Homepage. Henta 7. desember 2020.
- ↑ Allmusic review
- ↑ «Robert Christgau: CG: Linda Ronstadt». www.robertchristgau.com.
- ↑ 4,0 4,1 «Get Closer». Arkivert frå originalen 12. august 2017. Henta 7. desember 2020.
- ↑ «Linda Ronstadt Album and CD Releases». Ronstadt-linda.com. Henta 7. desember 2020.
- ↑ «Linda Ronstadt Top Pop Albums». www.ronstadt-linda.com.
- ↑ «Jon Carroll». Jon Carroll. Henta 7. desember 2020.
- ↑ «Linda Ronstadt Top Country Singles». www.ronstadt-linda.com.
- ↑ «Grammyprisens for Linda Ronstadt». www.ronstadt-linda.com.
- ↑ Kent, David (1993). Australian Chart Book 1970–1992 (illustrated utg.). St Ives, N.S.W.: Australian Chart Book. s. 258. ISBN 0-646-11917-6.