Glenn Gregory
Glenn Peter Gregory (fødd 16. mai 1958)[1] er ein engelsk songar og musikar. Han var med å starte Heaven 17 der han var frontmann, og han var medlåtksirvar og song på hitsongar som «Temptation» og «Come Live with Me».
| Glenn Gregory | |||
 Gregory på scenen i juni 2014 | |||
| Fødd | 16. mai 1958 (66 år) | ||
|---|---|---|---|
| Fødestad | Sheffield i England | ||
| Fødenamn | Glenn Peter Gregory | ||
| Opphav | Storbritannia | ||
| Aktiv | 1979 til i dag | ||
| Sjanger | Elektronisk, synthpop, new wave | ||
| Instrument | Vokal, klaverinstrument, saksofon, bassgitar | ||
| Tilknytte artistar | Heaven 17, ABC, Honeyroot | ||
| Plateselskap | Virgin, Just Music | ||
| Verka som | Songar, låtskrivar | ||
Karriere
endreGlenn Gregory var den einaste sonen til ein stålarbeidar og voks opp i Sheffield. Som tenåring ønskte han å bli skodespelar, men enda opp som fotograf i London i staden.
Gregory hadde kjend medlemmane i The Human League i fleire år. Han hadde sunge og spelt bass i band med Ian Craig Marsh sidan 1973. Tidleg i 1981 vart han kontakta av Martyn Ware etter dei originale medlemmane i The Human League gjekk frå kvarandre, og han vart spurt om å bli med i Heaven 17, eit nytt band som oppstod etter The Human League.[2]
Heaven 17 bestod av trioen Martyn Ware, Ian Craig Marsh og Gregory som frontmann og vokalist. Bandet gav ut åtte studioalbum og hadde fleire hittar i Storbritannia, som «Crushed by the Wheels of Industry,» «Temptation», «Come Live With Me», og «Let Me Go». Seint i 1980-åra dalte populariteten deira og bandet vart oppløyst i 1988, men kom saman att i 1996[3] og spelte den første konserten sin i 1997. Marsh slutta i bandet i 2007, men Ware og Gregory er framleis aktive i bandet.
I 1984 bidrog Gregory på Band Aid-singelen «Do They Know It's Christmas?» og song linja «No rain nor rivers flow».[4]
Utanom Heaven 17 har Gregory vore medlem av banda Ugly og Honeyroot, og har arbeidd med ABC, Tina Turner, Grace Jones, Propaganda, Terence Trent D'Arby, Ultravox, La Roux og John Lydon.[2] Han har òg skrive mykje musikk for radio, fjernsyn og film.
Kjelder
endre- Denne artikkelen bygger på «Glenn Gregory» frå Wikipedia på engelsk, den 21. april 2016.
- Wikipedia på engelsk oppgav desse kjeldene:
- ↑ Glenn Gregory på Allmusic. Henta 1 September 2009.
- ↑ 2,0 2,1 «Glenn Gregory interview». Entertainment. BBC South Yorkshire. Henta 21. april 2015.
- ↑ Henderson, Alex, Honeyroot, Allmusic, henta 21. april 2016
- ↑ Band Aid 30 years on: Where are the original stars three decades after the 1984 song was released?, 10 November 2014, henta 21. april 2016