Grethe Ingmann
Grethe Ingmann (17. juni 1938–18. august 1990) var ein dansk songar og musikar innan pop og jazz. Saman med ektemannen Jørgen Ingmann vann ho Eurovision Song Contest i 1963 med songen «Dansevise», ei bragd ingen danske klarte å gjenta før Olsen Brothers vann i 2000 med «Fly on the Wings of Love».
| Grethe Ingmann | |||
 | |||
| Fødd | 17. juni 1938 | ||
|---|---|---|---|
| Fødestad | København | ||
| Død | 18. august 1990 (52 år) | ||
| Dødsstad | Frederikssund | ||
| Fødenamn | Grethe Clemmensen | ||
| Opphav | Kongeriket Danmark | ||
| Aktiv | 1963–1990 | ||
| Sjanger | pop | ||
| Instrument | vokal | ||
| Verka som | songar | ||
| Gift med | Jørgen Ingmann | ||
Bakgrunn endre
Ingmann vart oppdaga allereie som 17-åring, og kort etter vart ho saman med jazzgitaristen Jørgen Ingmann, som ho gifta seg med i 1956. Dei to skapte seg snart eit namn i Skandinavia. Mannen hennar vart også internasjonalt kjend for instrumentalen «Apache», medan Grethe Ingmann sjølv kom inn på dei tyske hitlistene med songen «Hello Boy» i 1963.[1][2][3] I midten av 1960-åra deltok ho på fleire tyske songfestivalar, men utanom «King of Soho» fekk ho ikkje noko større gjennombrot i nabolandet.[4][5]
Ein av songane Ingmann framførte på desse festspela var «Der Sommerwind» (tekst: Hans Bradtke, musikk: Henry Mayer), som gjorde liten suksess då ho gav han ut på tysk og dansk, men i 1966 vart han ein verdshit for Frank Sinatra med engelsk tekst av Johnny Mercer.[6]
I midten av 1970-åra havarerte ekteskapet med Jørgen, og det enda med at dei gjekk frå kvarandre. Etter dette deltok ho fleire gongar i Dansk Melodi Grand Prix, men ho vart ikkje vald ut til å representere landet i den internasjonale finalen. I 1980-åra heldt ho fram med arbeidet innanfor underhaldningsbransjen og fann tilbake til Jørgen, før ho i slutten av 1980-åra fekk kreft, som ho også døydde av i 1990.[7]
Kjelder endre
- ↑ «Offizielle Deutsche Charts - Offizielle Deutsche Charts». www.offiziellecharts.de (på tysk). Henta 8. juli 2018.
- ↑ «Grethe og Jørgen havde hele verden for deres fødder - da de mistede hinanden, mistede de livet». underholdning.tv2.dk (på dansk). 26. mars 2017. Henta 8. juli 2018.
- ↑ Bergan, Jon Vidar (23. mars 2015). «Jørgen Ingmann». Store norske leksikon (på norsk). Henta 8. juli 2018.
- ↑ Pop, Schlager Chansons (21. juni 2016). «Schlagerfestspiele 1963 – Grethe Ingmann – Der King von Soho». YouTube. Henta 8. juli 2018.
- ↑ «Grethe Ingmann» (på dansk). Den Store Danske i lex.dk. Henta 8. juli 2018.
- ↑ «“Summer Wind”Frank Sinatra: 1966 | The Pop History Dig». www.pophistorydig.com (på engelsk). Henta 8. juli 2018.
- ↑ «Skilt, men stadig forelsket: Jørgen Ingmann kom sig aldrig over bruddet med Grethe». www.bt.dk (på dansk). Henta 8. juli 2018.
- Denne artikkelen bygger på «Grethe Ingmann» frå Wikipedia på bokmål, den 13. mars 2023.
