Gunder Gundersen
Gunder Gundersen (12. september 1930–2. juni 2005) var ein norsk kombinertrennar og idrettsleiar frå Asker. Han vann to VM-medaljar i kombinert, sølv i 1954 og bronse i 1958. Gundersen vart noregsmeister i 1961, og vann elles fem MN-sølv og to NM-bronser. Han vart tildelt Holmenkollmedaljen i 1959 og Norges Skiforbunds Gullmedalje For Fremragende Innsats For Norsk Skiidrett i 1968. Gundersen var medlem av idrettsklubben Frisk Asker.
| Gunder Gundersen | |
|
| |
| Statsborgarskap | Noreg |
| Fødd | 12. september 1930 Asker |
| Død | |
| Idrett | kombinert, skihopping |
| Tok del i | |
| Utmerkingar | |
Gundersen er i dag best kjend for å utvikla den såkalla «Gunder-metoden». Han døydde i Oslo.
Liv og gjerningEndra
Gundersen vann sin første meistertittel under junior-NM i kombinert i 1950. Før OL på heimebane i 1952 hadde han hatt gode resultat, men kom ikkje med på det sterke norske OL-laget. Få veker etter OL vann han det kombinerte Holmenkollrennet, i konkurranse med dei beste norske frå OL. Han vart då tildelt Kongepokalen og 'Damenes pokal' som beste kombinertløpar.
Gundersen tok sølv under VM i Falun i 1954, eitt poeng bak landsmannen Sverre Stenersen. Året etter vann han Lahti-spelen. Grunna skade kunne han ikkje delta i vinter-OL 1956, men under VM i 1958 fekk han bronsemedaljen. Under vinter-OL 1960 i Squaw Valley i USA vart han nummer 11.
Gundersen vann ytterlegare to kongepokalar etter sigrar i kombinert i Holmenkollen i 1959 og 1960, samt NM i 1961. Han vann eitt kombinertrenn i Svenska skidspelen, i tillegg vart han to gongar nummer to.
IdrettsleiarEndra
Gundersen starta Teknisk Komité Kombinert (TKK) i 1963. Han vart den fyrste formannen for komitéen og med det medlem av styret i Norges Skiforbund. Også TKH i FIS stod han i bresjen for, og vart den fyrste formannen der òg. Under vinter-OL 1980 i Lake Placid i USA var han leiar for avviklinga av kombinertøvinga.
Gundersen skreiv seg inn i skihistoria då han i 1970-åra lanserte «Gunder-metoden» i kombinert. Denne går ut på at ein fyrst gjer unna hopprennet, og så reknar poengsummane om til tid. Tidene, eller rettare, tidsdifferansane vert utgangspunktet for startrekkefylgja og startintervalla i langrennet. Fyrstemann i mål vinn heile tevlinga.
Medaljar og besteplasseringar i internasjonale meisterskap og rennEndra
- 1951: Nr 8 i Holmenkollen
- 1952: Vinnar i Holmenkollen, nr 2 i Svenska skidspelen i Falun
- 1953: Nr 5 i Holmenkollen
- 1954: Sølvmedalje under ski-VM i Falun. Nr 2 i Lahti
- 1955: Vinnar i Lahti
- 1957: Nr 6 i Svenska Skidspelen i Skellefteå
- 1958: Nr 4 i Holmenkollen
- 1959: Nr 2 både i Holmenkollen og i Svenska skidspelen i Falun
- 1960: Vinnar i Holmenkollen
- 1961: Nr 11 i Holmenkollen
Medaljar og besteplasseringar i noregsmeisterskapEndra
- Ski-NM 1951: Nr 6 i Narvik
- Ski-NM 1952: Nr 5 i Porsgrunn
- Ski-NM 1953: Bronsemedalje i Trondheim
- Ski-NM 1954: Sølvmedalje på Kongsvinger
- Ski-NM 1955: Sølvmedalje på Voss
- Ski-NM 1957: Bronsemedalje i Mo i Rana
- Ski-NM 1958: Sølvmedalje i Oslo
- Ski-NM 1959: Sølvmedalje på Gjøvik
- Ski-NM 1960: Sølvmedalje i Nedre Eiker
- Ski-NM 1961: Gullmedalje
- Ski-NM 1962: Nr 4 i Skien
- Ski-NM 1963: Nr 6 i Rælingen
KjelderEndra
- Denne artikkelen bygger på «Gunder Gundersen» frå Wikipedia på bokmål, den 24. november 2012.
- Sportsboken, aktuelle årgangar
BakgrunnsstoffEndra
- (en) Gunder Gundersen – Profil og resultatoversikt hos FIS
- (en) Gunder Gundersen – Profil og resultatoversikt hos FIS
- (en) Gunder Gundersen – Profil og resultatoversikt i olympiske konkurransar på sports-reference.com.
- PDF-fil med vinnere av Holmenkollmedaljen Arkivert 2007-09-26 ved Wayback Machine.
- PDF-fil med vinnere i Holmenkollen siden 1892 Arkivert 2007-09-26 ved Wayback Machine.