H.M. Kongens gullmedalje
H. M. Kongens gullmedalje er ein norsk medalje innstifta av kong Haakon VII i 1907.
Medaljen erstatta den tidligere H.K.H. Kronprinsens gullmedalje innstifta av kronprins Carl av Noreg og Sverige i 1849. Kronprinsens medalje blei ikkje delt ut etter 1905.
Medaljen blir årleg delt ut til «ein framifrå, yngre forskar for eit vitskapleg arbeid bedømt ved Universitetet i Oslo». Forskaren må vere under 35 år. Ifølgje reglementet må «arbeidet vere anerkjent som eit verksamt bidrag til fagfeltets forskningslitteratur». Fram til og med 1995 blei Hans Majestet Kongens gullmedalje lyst ut som ei prisoppgåve med ein gjeven tittel. Etter ein reglendring i 1995 blir medaljen delt ut for avhandlingar som alt er bedømte.
Medaljen har kongens portrett pryda på advers, mens revers har den latinske innskrifta «JUVENI OPTIMAE SPEI» («ung mann/kvinne av høgaste håp») inne i en laurbærkrans. Medaljen har ein diameter på 40 millimeter. Medaljen er forma ut av Ivar Throndsen, som var myntgravør ved Den Kongelige Mynt.
Regelementet for medaljen er skrivne av av det Akademiske kollegium, og ble godkjent første gongen 26. juni 1908. Dei første tildelingane skjedde 2. september same år.
Mottakarar (utval) endre
- 1907 Adam Fredrik Trampe Bødtker for «Om franskens Inflydelse paa den engelske Syntaks»
- 1908 Carl August Drougge
- 1915 Gudrun Ruud
- 1917 Ragnvald Iversen for «Syntaksen i Tromsø bymål».
- 1920 Toralf Berntsen for «Norske traditioners betydning i norrøn sagaskrivning».
- 1922 Ragnar Ullmann
- 1924 Henrik Printz for «Die Algenvegetation des Trondheimsfjordes».
- 1933 Eirik Vandvik for «Genitivus und Ablativus Qualitatis im Latein».
- 1936 Isak Undås
- 1963 Victor Hellern
- 1964 Torleiv Austad
- 1969 Kjell Noreik
- 1977 Jon Bing og Trygve Harvold for «Legal Decisions and Information Systems».
- 2002 Farrukh Abbas Chaudhry
- 2003 Hallgjerd Aksnes
Kjelder endre
- Denne artikkelen bygger på «H.M. Kongens gullmedalje» frå Wikipedia på bokmål, den 2. september 2021.