Harianvi

(Omdirigert frå Haryani)

Harianvi, djatu eller bangaru er eit språk som blir tala i delstaten Haryana og kringliggande område. Det blir ofte rekna som ein dialekt av hindi, men talarar av hariyanvi og hindi kan ha vanskar med å forstå kvarandre.

Harianvi
også djatu, bangaru
Klassifisering Indoeuropeisk
 indoiransk
  indoarisk
   vestleg hindi
    hindi
Bruk
Tala i Hovudsakleg India
Område Haryana, Punjab, Delhi, Himachal Pradesh, Uttar Pradesh
Harianvitalande i alt 13 millionar (1992)
Skriftsystem Devanagari
Offisiell status
Offisielt språk i India
Språkkodar
ISO 639-3 bgc

Medan harianvi er morfologisk og fonologisk likt khariboli, eller standard hindi, har det òg likskapar med panjabi. Mellom anna imperfektiv partisipp-endinga /da:/ og substaniv-endinga /ã:/ i oblikt fleirtal minnar om panjabi. Endinga for hannkjønn eintal, /a:/, er felles for panjabi, harianvi, og også khariboli, men skil dei to sistnemnde frå dei andre vestlege hindispråka.

Bradjbhakha er det hindispråket som ligg nærast harianvi.

Bakgrunnsstoff endre

Kjelder endre

  • Ethnologue-rapport
  • G. A. Zograph: Languages of South Asia, 1960 (translated by G.L. Campbell, 1982), Routledge, London.