Hilde Opoku
Hilde Opoku (fødd 4. mai 1968 i Trondheim) er ein norsk politikar i Partiet Sentrum. Ho var ein av to nasjonale talspersonar for Miljøpartiet Dei Grøne i 2014–2016. Ho var varaordførar i Trondheim frå 2015 til 2017.[1] Opoku har tidlegare vore landsstyremedlem i partiet. Før overgangen til Dei Grøne i 2010 sat ho i bystyret i Trondheim for Sosialistisk Venstreparti.[2] Ho meldte seg i november 2020 inn i Partiet Sentrum.[3]
| Hilde Opoku | |||
.jpg) | |||
| Fødd | 4. mai 1968 (56 år) Trondheim | ||
|---|---|---|---|
| Statsborgar av | Noreg | ||
| Parti | Miljøpartiet Dei Grøne (2010; 2018), Sosialistisk Venstreparti (ukjend; 2010), Partiet Sentrum (2020) | ||
| Yrke | politikar, statsvitar | ||
| Verv | Talsperson for Miljøpartiet De Grønne 2014–2016 | ||
| Føregangar | Hanna Marcussen | ||
| Etterfylgjar | Une Aina Bastholm | ||
| Verv | Varaordførar i Trondheim 2015–2017 (MDG) | ||
| Føregangar | Knut Fagerbakke | ||
| Etterfylgjar | Ola Lund Renolen | ||
| Verv | Bystyrerepresentant i Trondheim 2011–2015 (MDG) | ||
| Verv | Bystyrerepresentant i Trondheim 2007–2011 (SV/MDG) | ||
| Verv | Bystyrerepresentant i Trondheim 2003–2007 (SV) | ||
Opoku har også vore nestleiar i Framtiden i våre hender og fylkesleiar i Grønn Hverdag i Sør-Trøndelag.[2] Ho er utdanna statsvitar med industriell økologi som spesialfelt.[4]
Politisk karriere
endreOpoku blei vald inn i Trondheim bystyre i 2003, då som representant for Sosialistisk Venstreparti. Ho var medlem av Oppvekstkomiteen. I 2007 blei ho attvald til bystyret, og blei også leiar for oppvekstkomiteen. I 2010 melde ho overgang til Miljøpartiet Dei Grøne, og gjekk over til kontrollkomiteen.[4] I 2011 blei ho igjen vald inn i bystyret, no på lista til Dei Grøne, og ho fekk vervet som nestleiar i kultur-, idrett- og friluftslivskomiteen.[5]
Opoku blei vald inn i landsstyret i MDG i 2011 og hadde også fleire andre verv i partiet, før ho i april 2014 blei vald som ein av partiet sine to nasjonale talspersonar, saman med Rasmus Hansson. Ho tok då over etter Hanna Marcussen som hadde vore den kvinnelege talspersonen i seks år.[6].
I 2015 toppa Opoku MDG si liste til bystyret i Trondheim og blei gruppeleiar for MDG sine fem representantar. Ho tiltredde som varaordførar i oktober 2015. I 2017 søkte ho om eit års permisjon for å vere rådgjevar for regjeringa i Ghana.[7] Ho var gruppeleiar for partiet i bystyret i Trondheim fram til september 2017 då Opoku byrja som spesialrådgjevar for SN sitt berekraftsmål (SDGs) for regjeringa i Ghana. Her initierte og leia Opoku arbeidet med å utvikle det fyrste systemet for SDG budsjettering og rekneskapsanalyse i verda, i tillegg til den fyrste SDG Investment fair i Afrika.
Familie
endreNamnet Opoku er frå språket twi og er erverva ved ekteskap med Paul Opoku frå Ghana.[8]
Kjelder
endre- ↑ «Opoku blir varaordfører». NRK nyheter. 16. september 2015.
- ↑ 2,0 2,1 «Velkommen til Hilde Opoku».
- ↑ Granviken, Simen (16. oktober 2020). «With, Opoku og Hildrum til nytt parti». adressa.no (på norsk bokmål). Arkivert frå originalen 20. oktober 2020. Henta 23. november 2020.
- ↑ 4,0 4,1 Våre kandidater Arkivert 4. mai 2014 på Wayback Machine. - MDG Trondheim. Lest 4. mai 2014
- ↑ Opoku, Hilde Arkivert 4. mai 2014 på Wayback Machine. - Politikerprofil, Trondheim kommune. Lest 4. mai 2014
- ↑ «Ny toppledelse i Miljøpartiet De Grønne». Arkivert frå originalen 4. mai 2014. Henta 4. mai 2014.
- ↑ Nilsen, Petter Moen. «Hilde Opoku har søkt om permisjon fra jobben som varaordfører i Trondheim». NRK (på norsk bokmål). Henta 9. oktober 2018.
- ↑ HEYERDAHL, RAGNHILD (9. september 2015). «Hilde Opoku frir til fagbevegelsen». frifagbevegelse.no (på norsk bokmål). Henta 13. november 2020.
- Denne artikkelen bygger på «Hilde Opoku» frå Wikipedia på bokmål, den 16. mars 2025.