Historisk tidsskrift
Historisk tidsskrift (av og til omtalt som Norsk historisk tidsskrift eller NHT for å skilje det frå dansk Historisk Tidsskrift) har vore det leiande vitskaplege tidsskriftet for historievitskap i Noreg sidan 1870.
| Historisk tidsskrift | |
|---|---|
| Forkorta tittel (ISO) | HIST TIDSSK |
| Fagfelt | Historie (070) |
| Fagfellevurdering | Full fagfellevurdering |
| Språk | Engelsk |
| Om tidskriftet | |
| Utgjevar | Universitetsforlaget |
| Bibliografisk indeksering | |
| ISSN | 0018-263X |
| ITAR-kode | 8970 |
| Lenkjer | |
Historisk tidsskrift publiserer fagfellevurderte artiklar, debatt- og kommentarbidrag og bokmeldingar av historiefaglege bøker. Målgruppa er forskarar, studentar og historielærarar. Historisk tidsskrift vert gjeve ut av Den norske historiske forening (HIFO) i samarbeid med Universitetsforlaget.[1]
Historie endre
Det første heftet kom ut i månadskiftet mai/juni 1870, det andre heftet om hausten og det tredje rundt juletider 1870. Det fjerde heftet kom ut hausten året etter, og først då var den første årgangen komplett.[2]
Tidsskriftet er det nest eldste eksisterande vitskaplege tidsskriftet i Noreg som enno vert utgjeve.[3][4]
Lokaliseringa av redaksjonen går på omgang mellom forskingsmiljøa i historie, og var frå 2019 lokalisert til Institutt for arkeologi, historie, kultur- og religionsvitskap ved Universitetet i Bergen, med Frode Ulvund som redaktør.
Til saman har kring 1200 ulike forfattarar bidrege til tidsskriftet sidan starten.
I 2004 vart Historisk tidsskrift klassifisert som eit nivå 1-tidsskrift innan vitskapleg rapportering. Deretter var det frå 2005 til 2012 på nivå 2, men vart frå 2013 igjen sett til nivå 1.[5]
Tidsskriftet publiserer Open Access på idunn.no.[6]
Redaktørar endre
Redaktørstillinga i Historisk tidsskrift vart skild ut frå formannsvervet i Den norske historiske forening frå 1955. Frå då av var redaktørane:
- 1955–1965 Dagfinn Mannsåker (1916–1994)
- 1966–1970 Per Fuglum (1924–2008) og Dagfinn Mannsåker
- 1971 Per Fuglum og Francis Sejersted (1936-2015)
- 1972–1975 Sivert Langholm (fødd 1927) og Francis Sejersted
- 1976–1980 Leiv Mjeldheim (1929-2011), Ståle Dyrvik (fødd 1943) og Edgar Hovland (fødd 1938)
- 1981–1984 Alf Kaartvedt (1921-2013) og Sverre Bagge (fødd 1942)
- 1985–1991 Ole Kristian Grimnes (fødd 1937), Håkon Hovstad og Sølvi Sogner (fødd 1932)
- 1992–1997 Steinar Imsen (fødd 1944), Per Fuglum, Kari Melby (fødd 1949) og Gudmund Stang (1933–2002)
- 1997–2001 Hovudredaktør Einar Niemi (fødd 1943), redaktørar Randi Rønning Balsvik (fødd 1939) og Lars Ivar Hansen (fødd 1947)
- 2002–2004 Hovudredaktør Odd-Bjørn Fure (fødd 1942), redaktørar Anders Bjørkelo (fødd 1947) og Astrid Forland (fødd 1956)
- 2004 Hovudredaktør Odd-Bjørn Fure, redaktørar Anders Bjørkelo, Astrid Forland og Geir Atle Ersland (fødd 1957)
- 2005–2009 Hovudredaktør Øystein Rian (fødd 1945), redaktørar Jorunn Bjørgum (fødd 1942) og Erik Opsahl (fødd 1960)
- 2010–2014 Hovudredaktør Ida Bull (fødd 1948), redaktørar Kristian Steinnes (fødd 1963) og Randi Wærdahl (fødd 1963)
- 2015-2018 Hovudredaktør Narve Fulsås (fødd 1953), redaktørar Kari Aga Myklebost (fødd 1973) og Richard Holt (fødd 1948) og Harald Dag Jølle (fødd 1971)
- 2019- Hovudredaktør Frode Ulvund (fødd 1969), redaktørar Dunja Blažević, Jo Rune Ugulen Kristiansen og Sissel Rosland.
Historisk Tidsskrift-prisen endre
Frå 2010 har styret i HIFO tildelt pris til det meste nyskapande bidraget til Historisk tidsskrift i løpet av kalenderåret
- 2010: Tore Linné Eriksen for «Folkemord i et komparativt koloniperspektiv: et riss av en fagdebatt», i Historisk tidsskrift nr. 3/2009
- 2011: Hans Jacob Orning for debattartikkelen «Norsk middelalder i et antropologisk perspektiv. Svar til Knut Helle» i Historisk tidsskrift nr. 2/2010
- 2012: Inger Bjørnhaug for «Erfaringer fra historieforskningens skyggedal» i Historisk tidsskrift nr. 3/2011
- 2013: Dag Hundstad for «Historikeren som regionbygger? – et fagkritisk perspektiv på fire landsdelshistoriske verk» i Historisk Tidsskrift nr. 1/2012
- 2014: Eirinn Larsen og Lars Fredrik Øksendal for «De glemte kvinnevalgene» i Historisk tidsskrift nr. 4/2013
Referansar endre
- ↑ «Historisk tidsskrift - Idunn», www.idunn.no (på norsk), arkivert frå originalen 19. mars 2018, henta 5. november 2019
- ↑ «Forord». Historisk tidsskrift (på norsk) 99: 95–96. 2020. ISSN 1504-2944. doi:10.18261/issn.1504-2944-2020-02-01. Arkivert frå originalen 14. juni 2021. Henta 14. juni 2021.
- ↑ Det Kongelige Norske Videnskabers Selskabs Skrifter
- ↑ Norsk militært tidsskrift som har kome ut sidan 1831 er ikkje rekna som vitskapleg
- ↑ Publiseringskanaler Arkivert 2019-10-21 ved Wayback Machine., Database for statistikk om høgre utdanning (DBH). Besøkt 23. desember 2013.
- ↑ https://www.idunn.no/journal/ht
- Denne artikkelen bygger på «Historisk tidsskrift» frå Wikipedia på bokmål, den 15. september 2019.
