Honey Ltd.

Honey Ltd. var ei jentegruppe i 1960-åra som bestod av systrene Alexandra og Joan Sliwin, Laura Polkinghorne og Marsha Temmer.

Honey Ltd.
Opphav	Detroit i USA
Aktiv	1968-1970
Sjanger	Pop, ambient, nypsykedelisk
Plateselskap	LHI Records

Bakgrunn

Gruppa byrja å synge i lag ved Wayne State University. Dei danna Mama Cats og byrja å synge på lokale stader med andre Detroit-musiakrar som Bob Seger, Glenn Frey og Suzy Quatro. Gruppa flytta til Los Angeles der dei prøvespelte for produsenten Lee Hazlewood som signerte dei og tok dei med i studio for å spele inn musikk med Wrecking Crew. Han gav dei seinare namnet Honey Ltd.

Karriere

Gruppa hadde ikkje nokon kommersiell suksess og gav berre ut eitt album. Versjonen deira av Laura Nyro sin «Eli's Comin'» hamna i skuggen av versjonen til Three Dog Night, som kom få månader seinare. I 1969 vart geuppa med Bob Hope på ein turné og drog til Thailand og Vietnam for å spele for soldatane der. Dei spelte på The Ed Sullivan Show, The Joey Bishop Show, Kraft Music Hall, The Jerry Lewis Show, The Andy Williams Show, Operation: Entertainment og The Bob Hope Christmas Special: Around the World with the USO.

I 1970 hadde Alexandra Sliwin slutta i bandet fo rå gifte seg med J D Souther. Bandet fortsette som ein trio og endra namn til Eve. Den nye gruppa gav ut eit nytt albumm, men det selde dårleg og dei mista kontrakten med LHI. Dei gav seg kort tid etter dette og medlemmane gjekk kvar for seg.

Laura Creamer (fødd Polkinghorne) er ein låtskrivar, songar og arrangør som har spelt inn og/eller turnert med Billy Joel, Bob Seger, Van Morrison, Glenn Frey, Bruce Hornsby, Kid Rock, Eric Clapton og mange andre. Alex Sliwin, Joan Sliwin og Marsha Temmer spelte i den kortvarige gruppa Bijou med tidlegare Association-medlemmane Jules Alexander og Russ Giguere, og skreiv og spelte med Loretta Lynn og andre. Marsha Temmer Darigan hadde ein periode som korsongar og dansar for Tina Turner.

Diskografi

Studioalbum

• 1968: Honey Ltd. (LHI-12002)

• 1970: Take It And Smile (som Eve) (LHI-3100)

Samleplater

• 2013: Honey Ltd - The Complete LHI Recordings (Light in the Attic Records, LITA 102)

Singlar

• 1967: «Miss You»/«My Boy» (as Mama Cats) (Hideout 1225)
• 1968: «Come Down»/«Tomorrow Your Heart» (LHI-1208)
• 1968: «Louie, Louie» (med Lee Hazlewood intro)/«Louie, Louie» (LHI-1216 promo)
• 1969: «Eli's Coming»/«Silk 'N' Honey» (LHI-3)
• 1969: «Silver Threads and Golden Needles»/«No You Are» (LHI-12)
• 1970: «Anyone Who Had a Heart»/«Dusty Roads» (som Eve) (LHI-25)
• 1970: «Take It And Smile»/«You Go Your Way» (som Eve) (Bell 914)
• 1975: «Carry On»/«Children of the Highway» (som Bijou) (A&M 1678)

Filmmusikk

• 1971: Vanishing Point - «So Tired» (som Eve) (Amos Records AAS8002)

Kjelder

• Denne artikkelen bygger på «Honey Ltd.» frå Wikipedia på engelsk, den 28. august 2014.
  • Wikipedia på engelsk oppgav desse kjeldene:

Bakgrunnsstoff

• Laura Creamer på allmusic.com
• Like Honey Arkivert 2013-11-02 ved Wayback Machine.
• Honey Ltd. biletgalleri på Spectropop.com