Hosni Mubarak
Muhammad Hosni Sayyid Mubarak (4. mai 1928–25. februar 2020) var ein egyptisk politikar og offiser som var president i Egypt frå 1981 til 2011. Hosni Mubarak etterfølgde Anwar Sadat då han vart drepen i 1981.
| Hosni Mubarak
حسنى مبارك | |||
 Hosni Mubarak taler under Verdas økonomiske forum i Sharm-el-Sheikh i 2008. | |||
| Fødd | 4. mai 1928 Kafr el-Muṣīlḥa منوفيه | ||
|---|---|---|---|
| Død | 25. februar 2020 (91 år) | ||
| Statsborgar av | Kongedømmet Egypt, Republikken Egypt, Den sameinte arabiske republikken, Egypt | ||
| Yrke | politikar, flygar, militær | ||
| Utdanna ved | Egypts militærakademi Militærakademiet ved generalstaben for Russlands væpnede styrker Supreme Military Institute of the Armed Forces of the Kyrgyz Republic M.V. Frunzes millitærakademi | ||
| Ektefelle | Suzanne Mubarak | ||
| Barn | Alaa Mubarak, Gamal Mubarak | ||
| Verv | President i Egypt | ||
| Føregangar | Anwar Sadat | ||
| Etterfylgjar | Mohamed Hussein Tantawi (fungerande) Mohamed Morsi | ||
| Alle verv |
| ||
Karriere
endreMubarak vart fødd i Kafr-el-Meselha i Al Minufiyah-provinsen. Han hadde ein bachelorgrad i militærvitskap og bachelorgrad i flygingsvitskap. Han var offiser i det egyptiske flyvåpenet, og jobba seg oppover i gradene til han var ein av dei øvstkommanderande for flyvåpenet i Egypt. I 1975 vart han utnemnd til visepresident av Anwar Sadat, og hadde stillinga fram til mordet på Sadat 6. oktober 1981.
I 1991 var Egypt under Mubarak sterkt involvert i Golfkrigen på sida til SN. I 2003 stilte han seg kritisk til krigen imot Irak, fordi han meinte at den israelsk-palestinske konflikten burde løysast fyrst.
Uro i Egypt
endreDen 7. september 2005 vann Mubarak det fyrste presidentvalet i Egypt der fleire kandidatar fekk stilla til val. Ifylgje Aftenposten gjorde valet presidenten uroleg, og han stramma difor inn i den politiske fridomen i Egypt. Under parlamentsvalet i 2010 vann Det nasjonaldemokratiske partiet, partiet til presidenten, men få egyptarar såg på dette valet som fritt. Dette var ein av grunnane til at Den egyptiske revolusjonen i 2011 braut ut i januar 2011, med store opptøyer blant egyptarane.[1] Etter store protestar i fleire veker gjekk Mubarak av som president 11. februar 2011 og overlet makta til det øvste militærrådet.
Familie
endreHosni Mubarak var gift med Suzanne, fødd Thabet, og dei hadde sønene Alaa og Gamal saman.
Kjelder
endre- Denne artikkelen bygger på «Hosni Mubarak» frå Wikipedia på engelsk, og «Hosni Mubarak» frå Wikipedia på bokmål den 29. januar 2011.
