Ingerid Dal
Ingerid Blanca Juell Dal (fødd 2. august 1895 i Kristiania, død 27. februar 1985) var ein norsk filosofiorientert språkforskar som er kjent for bidraga sine til germansk lingvistikk.[1]
| Ingerid Dal | |||
 | |||
| Fødd | 2. august 1895 Christiania | ||
|---|---|---|---|
| Død | 27. februar 1985 Oslo | ||
| Nasjonalitet | Noreg | ||
| Område | germanistikk, anglistik, nordistikk, språkvitskap | ||
| Yrke | professor, lingvist, filolog, germanist | ||
| Institusjonar | Universitetet i Oslo | ||
| Alma mater | Universitetet i Oslo Universitetet i Heidelberg | ||
Dal tok examen artium (1914) og studerte filologi ved Universitetet i Oslo. Etter den første verdskrigen studerte ho matematikk og lingvistikk ved Universitetet i Heidelberg, der ho tok ein doktorgrad med avhandlinga Lasks Kategorienlehre im Verhältnis zu Kants Philosophie om Immanuel Kant (1925). Den andre doktorgraden sin tok ho ved Universitetet i Oslo med dr.philos.-avhandlinga Ursprung und Verwendung der altnordischen Expletivpartikel of, um (1930). Dal overtok professoratet i germansk filologi etter Jakob Sverdrup same stad (1939–65).
Ho var spesielt interessert i Thomas Mann, Ernst Cassirer og Wilhelm von Humboldt, og skreiv blant anna ein grammatikk som vart mykje brukt i Noreg og Tyskland. Interessene hennar famna òg om engelsk, gotisk, nordisk, høgtysk, nedertysk og nederlandsk, og ho var ein forkjempar for riksmål. Legatet Professor Ingerid Dal og søster Ulrikke Greve Dals pris for humanistisk forskning (200 000 kroner i 2007) vert utdelt årleg.
Ingerid Dal var dotter av forfattaren Signe Greve (1867–1944) og lektor Adolf Martin Dal (1863–1948).[2]
Utmerkingar endre
- Oppteken i Det Norske Videnskaps-Akademi (1940)
- Nansenfondets pris for framifrå vitskapleg forsking (1955)
- Goethemedaljen i sølv (1960) og gull (1976)
- æresmedlem av Norsk forening for språkvitenskap
Utgjevingar endre
- Kurze deutsche Syntax auf historischer Grundlage (1942)
Kjelder endre
- ↑ Ingerid Dal – germanist med verdensry, kronikk i Aftenposten (21.11.1995)
- ↑ Ottar Grønvik, Ingerid Dal i Norsk Biografisk Leksikon
- Denne artikkelen bygger på «Ingerid Dal» frå Wikipedia på bokmål, den 20. november 2015.
Bakgrunnsstoff endre
- Digitaliserte bøker av Dal og om Dal hos Nasjonalbiblioteket