Ingrid Wigernæs
Ingrid Wigernæs (opphavleg Ingrid Løken, 22. februar 1928–2. desember 2023) var ein norsk tidlegare langrennsløpar og -trenar. Ho representerte Romerikslagets Idrettslag.
Ingrid Wigernæs | |
Statsborgarskap | Noreg |
Fødd | 22. februar 1928 Hemsedal kommune |
Død | 2. desember 2023 (95 år) Hemsedal kommune |
Idrett | langrenn |
Tok del i | Vinter-OL 1956, Vinter-OL 1964 |
Utmerkingar | ridder av 1. klasse av St. Olavs Orden |
Medaljeoversikt | ||
---|---|---|
Langrenn | ||
![]() | ||
Sølv | 1966 Oslo | 3 x 5 km stafett |
Karriere
endreWigernæs vann 10 km i NM på ski, nordiske greiner i 1960, 1961 og 1966, 5 km i 1964 og 1965 og var med på Romerikslagets vinnande stafettlag i 1965 og 1966. Ho var med på laget som tok sølv på stafetten i Ski-VM 1966, og deltok under vinter-OL for Noreg i 1956 i Cortina d'Ampezzo med 27. plass på 10 km og i 1964 i Innsbruck med 12. plass på 10 km og 15. plass på 5 km.
Wigernæs var ein av forgrunnsfigurane under den første suksessrike perioden innan langrenn for damer i Noreg. I 1965 og 1966 var ho både løpar og trenar på landslaget i langrenn for damer og fortsette som trenar fram til 1969, etter at ho la opp som aktiv i 1966. Ho var trenar for damene som tok gull på stafetten i 1968 i Grenoble.
Jentut'n
endreWigernæs reknast som opphavet til uttrykket jentut'n, som er Hemsedalsdialekt for jentene. Ordet vart brukt av Wigernæs då ho omtalte lagveninnene på stafettlaget i VM i 1966, og seinare brukte ho det når ho omtalte landslagsjentene ho trena. Jentut'n var først klengenamnet på stafettlaget frå 1966, men seinare har orda vorte flittig brukt som «kjælenamn» på dei norske stafettlaga for damer under internasjonale renn og meisterskap.
Som fleire andre skiprofilar midt på 1960-talet, song òg ho inn ei plate. Denne fekk tittelen «Jentut'n våre».
Medaljar og besteplasseringar i noregsmeisterskap
endre- Ski-NM 1955: Nr 5 i Trysil
- Ski-NM 1956: Bronsemedalje på Raufoss
- Ski-NM 1957: Bronsemedalje
- Ski-NM 1958: Bronsemedalje i Oslo
- Ski-NM 1959: Nr 4 i i Porsgrunn
- Ski-NM 1960: Gullmedalje på Fåberg
- Ski-NM 1961: Gullmedalje på Rena
- Ski-NM 1962: Bronsemedalje i Molde
- Ski-NM 1963: Sølvmedalje både på 5 og 10 km i Birkenes
- Ski-NM 1964: Gull på 5 km og sølv på 10 km på Furnes
- Ski-NM 1965: Gull på 5 km og bronse på 10 km på Fåberg
- Ski-NM 1966: Sølvmedalje både på 5 og 10 km på Hernes
Kjelder
endre- Denne artikkelen bygger på «Ingrid Wigernæs» frå Wikipedia på bokmål, den 7. august 2011.